پاکستان مسلم لیگ ن کی پنجاب اسمبلی میں ایک اور نشست خالی ہوگئی

لاہور: الیکشن کمیشن نے پنجاب اسمبلی میں پی پی 241 بہاولنگر سے پاکستان مسلم لیگ ن کے رکن اسمبلی کاشف محمود کو ڈی نوٹیفائی کر دیا۔

الیکشن کمیشن نے 7 اگست 2018 کو کاشف محمود کی کامیابی کا نوٹیفکیشن جاری کیا تھا، جسے واپس لے لیا گیا، پاکستان مسلم لیگ ن کے ایم پی اے کاشف محمود کو اسلام آباد ہائیکورٹ نے نااہل قرار دیا تھا۔

یاد رہے کہ سپریم کورٹ نے لیگی ایم پی اے کاشف محمود کی نااہلی کا فیصلہ برقرار رکھا تھا۔

مزید پڑھیں:جسٹس قاضی فائز عیسیٰ کا چیف جسٹس کو خط، جوڈیشل کمیشن اجلاس مؤخر کرنے کی درخواست کیوں؟

واضح رہے کہ 2018ء کے جنرل الیکشن میں پی پی 241 بہاولنگر سے کاشف محمود نے فتح حاصل کی تھی، انہوں نے 48 ہزار 543 ووٹ حاصل کیے تھے جبکہ پی ٹی آئی کے امیدوار محمد مظفر خان نے 44184 ووٹ لیے تھے اور وہ دوسرے نمبر پر رہے تھے۔