گوگل نیوز پر ہمیں فالو کریںاسلام آباد: وزیر اعظم شہباز شریف نے پنجاب کے ضمنی انتخابات کے متعلق بیان جاری کرتے ہوئے عوام کو ہدایت کی ہے کہ ووٹ کی طاقت سے انتشار اور نفرت کی سیاست کو مسترد کردیں۔
سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ پنجاب کے ضمنی انتخابات میں اپنا ووٹ ڈالتے ہوئے عمران نیازی حکومت کے پونے 4سالہ سیاہ دور کی کرپشن، نااہلی اور معاشی تباہی کے بارے میں سوچئے گا۔
وزیر اعلیٰ کی تبدیلی کا خدشہ، پنجاب کے 20حلقوں میں ضمنی الیکشن کا آغاز
ٹوئٹر پیغام میں وزیر اعظم نے کہا کہ ووٹ ڈالتے ہوئے مافیا کی سہولت کاری و سرپرستی اور تبدیلی کے نام پر برپا تباہی پر ضرور سوچئے گا۔ پاکستان پی ٹی آئی دور میں اپنی منزل سے دور ہوا، اس کا اظہار آپ نے اپنے ووٹ سے کرنا ہے۔
پی ٹی آئی پر تنقید کرتے ہوئے وزیر اعظم نے کہا کہ پنجاب کو پونے 4سال تک بد ترین گورننس کا نشانہ بنایا گیا۔ شہریوں کو مفت ادویات اور طلبہ کو وظائف سے محروم کیا گیا۔ سرکاری آسامیوں اور تبادلوں کی کھلے عام خریدوفروخت کی گئی۔
عمران خان کے پونے 4سالہ دورِ حکومت کی کارکردگی کے متعلق وزیر اعظم شہباز شریف نے کہا کہ پنجاب میں شہری سہولیات کی حالت ابتر اور لاقانونیت عروج پر رہی۔ پنجاب کی جو حالت کی گئی، وہ پنجاب کے لوگوں کی توہین سے کم نہیں۔
پنجاب کو پونے4 سال بدترین گورننس کا نشانہ بنایا گیا. شہریوں کو مفت ادویات اور طلباء کو وظائف سےمحروم کیا گیا. سرکاری آسامیوں اورتبادلوں کی کھلےعام خرید و فروخت کی گئی. شہری سہولیات کی حالت ابتر اور لاقانونیت عروج پررہی. پنجاب کی جو حالت کی گئی، وہ پنجاب کےلوگوں کی توہین سےکم نہیں
— Shehbaz Sharif (@CMShehbaz) July 17, 2022
وزیر اعظم شہباز شریف نے کہا کہ آپ کا ووٹ ہی آپ کی طاقت ہے۔ اس طاقت سے انتشار، نفرت اور تقسیم کی سیاست کو مسترد کریں۔ ایک شخص کی انا، اندازِ سیاست اور نااہلی نے ہمارے معاشرے کے حسن کو تہ و بالا کرکے رکھ دیا ہے۔
انہوں نے آج ہونے والے ضمنی انتخابات کے دوران ووٹرز کو پی ٹی آئی کے دور کے متعلق سوچنے کا مشورہ دیتے ہوئے کہا کہ اپنا ووٹ قومی ترقی اور اپنے بچوں کے روشن مستقبل کیلئے ڈالیں۔ مجھے آپ کی قوتِ انتخاب پر پورا بھروسہ ہے۔
آپکا ووٹ ہی آپکی طاقت ہے. اس طاقت سے انتشار، نفرت اور تقسیم کی سیاست کومسترد کریں.ایک شخص کی اناء،اندازِ سیاست اور نااہلی نےہمارے معاشرےکے حسن کو تہ و بالا کرکے رکھ دیا ہے. اپنا ووٹ قومی ترقی اور اپنے بچوں کے روشن مستقبل کیلئےڈالیں. مجھے آپکی قوتِ انتخاب پر پورا بھروسہ ہے.
— Shehbaz Sharif (@CMShehbaz) July 17, 2022
