گوگل نیوز پر ہمیں فالو کریںسعودی عرب میں آج حج کے رکنِ اعظم یعنی وقوفِ عرفہ کی ادائیگی کا آغاز کردیا گیا ہے۔ عازمینِ حج قافلوں کی صورت میں مکہ مکرمہ کے مقدس مقام منیٰ سے میدانِ عرفات پہنچ گئے۔
تفصیلات کے مطابق عازمین حج نے گزشتہ شب منیٰ کی خیمہ بستی میں عبادت میں گزاری۔ پاکستان کے 80 ہزار عازمین سمیت دنیا بھر سے 10 لاکھ فرزندانِ اسلام فریضۂ حج کی تکمیل کیلئے مکہ مکرمہ میں موجود ہیں۔
منی لانڈرنگ کی تحقیقات، بھارت میں چینی کمپنی ویوو کے 119اکاؤنٹ بلاک
حج کی ادائیگی مسلمان قوم کیلئے کسی روح پرور خواب کی طرح دلآویز احساس پر مبنی ہے جبکہ لاکھوں عازمینِ حج زندگی میں پہلی بار زمین پر اللہ تعالیٰ کے پہلے گھر یعنی خانۂ کعبہ کا قریب سے دیدار کریں گے۔
آج نمازِ فجر ادا کرنے کے بعد عازمینِ حج نے قافلوں کی صورت اختیار کر لی اور میدانِ عرفات کی جانب دیوانہ وار روانہ ہوئے۔ حج کے رکنِ اعظم وقوفِ عرفہ کی ادائیگی ہر سال اسی مقدس و تاریخی مقام پر کی جاتی ہے۔
مسجدِ نمرہ سے عازمین کو خطبۂ حج سننے کی سعادت آج پاکستانی وقت کے مطابق دوپہر 1 بج کر 40 منٹ پر حاصل ہوگی۔ میدانِ عرفات میں عازمینِ حج تلبیہ پڑھتے ہوئے توبہ و استغفار اور اللہ کی دیگر عبادات کریں گے۔
عازمین نمازِ ظہر اور عصر کی ادائیگی قصر کے طور پر کریں گے جس کیلئے اذان تو ایک ہی دی جاتی ہے تاہم باجماعت دونوں نمازوں کی اقامت الگ الگ ہوتی ہے۔ واضح رہے کہ حج دنیا میں اللہ کی عبادت کا سب سے بڑا اجتماع ہوتا ہے۔
Hujjaj are now flocking to #Arafat following Fajr Prayers from Mina pic.twitter.com/UBFOT45Xce
— Inside the Haramain (@insharifain) July 8, 2022
