لاہور: ہالینڈ کے سفیر کی چیئرمین پی سی بی رمیز راجہ سے ملاقات ہوئی ہے جس میں پاک ہالینڈ ون ڈے سیریز پر تبادلہ خیال کیا گیا ہے۔

تفصیلات کے مطابق چیئرمین پی سی بی رمیز راجہ سے ہالینڈ کے سفیر ووٹر پلومپ کی قذافی اسٹیڈیم میں واقع پی سی بی ہیڈ کوارٹر میں ملاقات ہوئی۔

چیئرمین پی سی بی رمیز راجہ اور ہالینڈ کے سفیر کی ملاقات  میں چیف ایگزیکٹو آفیسر فیصل حسنین، ڈائریکٹر انٹرنیشنل کرکٹ ذاکر خان بھی موجود  تھے۔

 ملاقات کے دوران ہالینڈ کے سفیر سے پاک ہالینڈ ون ڈے سیریز سے متعلق تبادلہ خیال کیا گیا۔ ملاقات میں رمیز راجہ نے ہالینڈ کے سفیر کو پاکستان کرکٹ بارے آگاہ کیا اور انہیں قذافی اسٹیڈیم کا دورہ بھی کرایا۔