گوگل نیوز پر ہمیں فالو کریںروس: پاکستان نے روس میں جاری ماس ریسلنگ کی ورلڈ چیمپئن شپ میں دو میڈلز اپنے نام کرلئے، پاکستان کی جانب سے وقاص افضل اور محمد سعد نے سلور میڈلز جیتے۔
روس میں 22 جون کو چوتھی ماس ریسلنگ ورلڈ چیمپئن شپ شروع ہوئی، پاکستان ماس ریسلینگ فیڈریشن کے مطابق چیمپئن شپ میں شریک پاکستان کے ریسلر وقاص افضل نے 125 کلوگرام اور محمد سعد نے 60 کلوگرام کی ویٹ کیٹیگری میں سلور میڈل اپنے نام کیا۔
سعد نے کوالیفائنگ راونڈ میں سربیا اور ترکمانستان جبکہ سیمی فائنل میں سربیا سے تعلق رکھنے والے حریف کو شکست دی تھی، وقاص افضل بھٹی نے کوالیفائنگ باؤٹ میں بھارتی حریف شیخ عبدالاحد یونس کو بھی چت کیا تھا۔
25 جون تک جاری رہنے والے اس ایونٹ میں پاکستان کے 11 ریسلرز شرکت کررہے ہیں، دیگر نو ریسلرز جن میں ایک خاتون ایتھلیٹ بھی شامل ہیں۔
مزید پڑھیں:افغانستان میں زلزلے سے تباہی، راشد خان نے افسوسناک تصویر شیئر کردی
