کرپٹو کرنسی کی مارکیٹ ویلیو میں بڑی کمی، سرمایہ کار پریشان

کرپٹو کرنسی کی مارکیٹ ویلیو میں بڑی کمی کا سامنا ہے، صنعت افراتفری کا شکار ہے کیونکہ سرمایہ کار خدشات کے پیش نظر اپنا پیسہ نکال رہے ہیں۔

غیر ملکی خبر رساں ادارے کی ایک رپورٹ کے مطابق  فیڈرل ریزرو کے مارکیٹ کو متحرک رکھنے سے دستبرداری کے ارادے کے بعد دنیا بھر میں خطرے سے دوچار اثاثوں کو نقصان کا سامنا کرنا پڑا ہے۔

بٹ کوائن کی قدر میں جو سب سے بڑا ڈیجیٹل اثاثہ ہے جمعہ کو 12 فیصد سے زیادہ کمی آئی ہے اور جولائی کے بعد سے اپنی کم ترین سطح یعنی 36 ہزار ڈالرز سے نیچے آگیا ہے۔

نومبر 2021 میں اپنے عروج کے بعد سے اس کی قدر میں 45 فیصد سے زیادہ کمی آئی ہے۔ دیگر ڈیجیٹل کرنسیز کو اگر اس سے زیادہ نہیں تو اتنا ہی نقصان ضرور پہنچا ہے اور ’ایتھر‘ اور ’میم‘ جیسے سکے اسی طرح کی گراوٹ کا شکار ہیں۔

یہ بھی پڑھیں:

پاکستانی روپیہ ایشیا کی سب سے بدترین کرنسی بن گیا

نومبر 2021 کے بعد سے بٹ کوائن کی قدر میں زوال نے مارکیٹ میں اس کی قیمت سے 600 ارب ڈالرز سے زیادہ کا صفایا کردیا ہے اور مجموعی کرپٹو مارکیٹ میں ایک کھرب ڈالرز سے زیادہ کا نقصان ہوچکا ہے۔

جبکہ بٹ کوائن اور مجموعی مارکیٹ دونوں میں ڈراڈاؤن کی شرح میں بھی خاصی کمی آئی ہے۔ بیسپوک انویسٹمنٹ گروپ کا کہنا ہے کہ یہ دونوں کے لیے ڈالر کے لحاظ سے اب تک کی دوسری سب سے بڑی کمی ہے۔

بیسپوک کے تجزیہ کاروں نے کہا کہ ’بلاشبہ کرپٹو کو تاریخی لحاظ سے قدرتی طور پر زیادہ اتار چڑھاؤ کا سامنا رہا ہے اور اس کے پیش نظر اس قسم کے ’سیل آف‘ کا خطرہ رہتا ہے لیکن یہ دیکھتے ہوئے کہ مارکیٹ کیپس کتنے وسیع ہوگئے ہیں، اتار چڑھاؤ کے بارے میں ڈالرز کی خام اصطلاح کے ساتھ ساتھ شرح کے لحاظ سے بھی سوچا جا سکتا ہے۔‘

کرپٹو کرنسیز اور اسٹاکس دونوں کو ہلا دینے والے فیڈ کے ارادوں کے ساتھ، ڈیجیٹل اثاثوں کی دنیا میں ایک خیال غالب آیا ہے اور وہ یہ کہ ’کرپٹوس تقریباً بالکل اسی طرح ہوگئے ہیں جیسے ایکوٹیز ہوتے ہیں۔‘

واضح رہے کہ کمپنی بٹ کوائن کے غیر فطری اتار چڑھاؤ کو غیر سرکاری اکاؤنٹنگ کے اقدامات سے نہیں روک سکتی اور وہ یہ بات سرمایہ کاروں کو بتاتی بھی ہے۔