چیئرمین پی سی بی تبدیل ہونگے یا نہیں؟ حکومت کا اہم فیصلہ

لاہور: ملک میں جب سے نئی حکومت آئی ہے اُس وقت سے یہ بازگشت سنائی دے رہی ہے کہ جلد چیئرمین پاکستان کرکٹ بورڈ بھی تبدیل ہوجائیں گے۔

حال ہی میں اس حوالے سے اہم خبر سامنے آئی ہے، ذرائع کا کہنا ہے کہ وزیراعظم شہباز شریف نے فی الحال اس حوالے سے کوئی فیصلہ نہیں کیا ہے۔

ذرائع کے مطابق وزیراعظم کا کہنا ہے کہ چيئرمین پاکستان کرکٹ بورڑ کی فوری تبديلی کا کوئی امکان نہیں ہے۔

خیال رہے کہ وزیراعظم سے سابق چيئرمین پی سی بی خالد محمود کی ملاقات ہوئی، جس کی اندورنی کہانی سامنے آگئی ہے، ذرائع کے مطابق ملاقات میں مختلف ناموں پربات ہوئی، تاہم وزیراعظم نے کرکٹ بورڈ میں فوری تبدیلی کا کوئی عندیہ نہیں دیا۔

یہ بھی پڑھیں:

پاکستان کے نورزماں ایشین جونیئر اسکواش چیمپیئن بن گئے

وزیراعظم کے اس فیصلے کے ساتھ ہی چیئرمین پی سی بی رمیز راجا کی تبدیلی کی افواہوں پر فل اسٹاپ لگ گيا، وزیراعظم کا کہنا ہے کہ ابھی اور مسائل ہيں، فی الحال تبديلی کا وقت نہيں ہے۔

واضح رہے کہ موجودہ چیئرمین پی سی بی رمیز راجا کی بطور چیئرمین تقرری کی منظوری تحریک انصاف دور حکومت میں سابق ویراعظم عمران خان نے اگست 2021 میں دی تھی جو تاحال اس عہدے پر براجمان ہیں۔