گوگل نیوز پر ہمیں فالو کریںکراچی کے علاقے ڈیفنس خیابان شاہین میں سیوریج لائن کی صفائی کرتے ہوئے 2 مزدور دم گھٹنے سے جان کی بازی ہار بیٹھے۔
رپورٹ کے مطابق دونوں مزدوروں کی لاشیں جناح اسپتال منتقل کر دی گئیں ہیں۔
جاں بحق ہونے والے مزدوروں کی شناخت کر لی گئی۔ ایک مزدور کا نام عارف جبکہ دوسرے کا نام معراج بتایا گیا ہے۔ واقعے کے حوالے سے مزید تحقیقات جاری ہیں۔
قبل ازیں شیخوپورہ کے نواحی علاقے فیروز والا میں واقع فیکٹری میں بوائلر پھٹنے سے 3 مزدور جاں بحق اور 4 زخمی ہو گئے تھے۔ فلور مل کا بوائلر پھٹا جس سے آگ بھڑک اٹھی اور آگ نے تیزی سے فلور مل کی پوری عمارت کو اپنی لپیٹ میں لے لیا تھا۔
