پشاور: نواحی علاقے شہیدآباد میں سفاک ملزم نے اپنی بھانجی کو بے دردی سے قتل کیا اور معصوم بچی کی لاش کو بوری میں بند کرکے گندگی کے ڈھیر میں پھینک دیا۔
پولیس ذرائع کا اس حوالے سے کہنا ہے کہ ملزم ساجد نے اپنی ساس کے ساتھ مل کر معصوم بچی کو قتل کیا اور خاتون نے قتل میں ملوث ہونے کا اعتراف بھی کیا ہے۔
واقعے کے بعد علاقہ مکینوں نے بچی کے اندوہناک قتل پر غم و غصے کا اظہار کیا اور ملزمان کی گرفتاری یقینی بنانے کا مطالبہ کیا۔ پولیس نے واردات میں استعمال ہونے والا آلہ قتل برآمد کرکے مقدمہ درج کرلیا جب کہ مرکزی ملزم ساجد کی تلاش جاری ہے۔
مزید پڑھیں:کراچی پولیس کی کارروائی، سافٹ ویئر انجینئر سمیت 4 ملزمان گرفتار