گوگل نیوز پر ہمیں فالو کریںسندھ کے بیراج پانی کی قلت کا شکار ہوگئے۔ بیراجوں پر پانی کی قلت میں مزید اضافہ سامنے آگیا، سندھ میں مجموعی پانی کی کمی 64 سے 66 فیصد تک پہنچ گئی۔
انچارج کنٹرول روم سکھر نے بتایا کہ گڈو بیراج پر 24 گھنٹوں میں 3 ہزار کیوسک پانی کم ہوا، جبکہ سکھر بیراج پر پانی میں 2 ہزار کیوسک کی کمی سامنے آئی۔
اس حوالے سے مزید ان کا کہنا تھا کہ کوٹری بیراج، نارا، روہڑی اور کیرتھر کینال میں پانی کی فراہمی مزید کم کردی گئی ہے۔
اس کے ساتھ ساتھ رائس کینال اور دادو کینال میں بھی پانی کی فراہمی کو مزید کم کیا گیا ہے۔
