وزیر اعظم ایک روزہ دورے کیلئے رشکئی خصوصی اقتصادی زون آج پہنچیں گے

اسلام آباد: وزیر اعظم شہباز شریف ایک روزہ دورے کیلئے رشکئی خصوصی اقتصادی زون (ایس ای زیڈ) آج پہنچیں گے جس کی تیاریاں مکمل کر لی گئیں۔

تفصیلات کے مطابق وزیر اعظم شہباز شریف آج رشکئی خصوصی اقتصادی زون کے ایک روزہ دورے کیلئے جائیں گے۔ اس موقعے پر وزیر اعظم کو سی آر بی سی چین کی جانب سے رشکئی زون کی تعمیر و ترقی پر بریفنگ دی جائے گی۔

یہ بھی پڑھیں:

ہمارے اوپرامریکا نے چوروں کے ٹولے کومسلط کیا،عمران خان

قبل ازیں وزیر اعظم رواں ماہ کے آغاز میں اپنے پہلے ایک روزہ دورے کیلئے کوئٹہ سے گوادر پہنچے تھے۔ میاں شہباز شریف کے خصوصی طیارے نے گوادر انٹرنیشنل ائیرپورٹ پر3 جون کو دوپہر 1 بج کر 40 منٹ پر لینڈ کیا تھا۔

اسی روز صبح کے وقت وزیر اعظم شہباز شریف وفاقی دارالحکومت اسلام آباد سے کوئٹہ پہنچے جہاں دورے کے دوران مختلف شخصیات سے ملاقاتیں کیں۔ وزیر اعلیٰ عبدالقدوس بزنجو اور دیگر اعلیٰ حکام نے وزیر اعظم کا استقبال کیا۔

آج سے 12روز قبل اپنے سرکاری دورے کے دوران وزیر اعظم نے گوادر کی نئی تعمیر شدہ بندرگاہ کا معائنہ کیا۔ وفاقی کابینہ اراکین اور وزیر اعظم شہباز شریف کو گوادر ڈویلپمنٹ اتھارٹی کی جانب سے بریفنگ بھی دی گئی تھی۔

گوادر میں وزیر اعظم نے مختلف ترقیاتی منصوبوں کا دورہ کیا اور مقامی شخصیات سے ملاقاتیں کیں۔ گوادر کی ترقی کیلئے سرگرم چینی اداروں کے عہدیداران نے بھی وزیر اعظم سے ملاقات کی۔ سکیورٹی اداروں نے دورے کیلئے سخت حفاظتی انتظامات کیے تھے۔