گوگل نیوز پر ہمیں فالو کریںلاہور: عوامی مسلم لیگ کے سربراہ شیخ رشید نے کہا ہے کہ امپورٹڈ حکومت موت کے کنویں کی سرکس میں ناچ رہی ہے۔
سماجی رابطے کی ویب سائٹ ٹوئٹر پر سابق وزیرِ داخلہ شیخ رشید نے حکومت کو تنقید کا نشانہ بتاتے ہوئے کہا کہ امپورٹڈ حکومت موت کے کنویں کی سرکس میں ناچ رہی ہے۔ غریب بد حال اور دل برداشتہ ہو گیا ہے، اسمبلیاں کھیل تماشا بن گئی ہیں۔ اب مسئلہ غریب کا، پاکستان کی معاشی اور سیاسی بقا کا ہے۔
وزیر خزانہ عنقریب دوسری مرتبہ پیٹرول اور بجلی کی قیمتوں پر قیامت ڈھانے والے ہیں۔آج قبر کا ریٹ بھی 7 سے 15 ہزار روپے ہو گیا ہے۔ امپورٹڈ حکومت میں سٹاک ایکسچینج 7 ارب ڈالر، فارن ترسیلات اور فارن ریزرو نیچے آ گئی ہیں۔اب مسئلہ غریب کا، پاکستان کی معاشی اور سیاسی بقاء کا ہے۔
— Sheikh Rashid Ahmed (@ShkhRasheed) June 14, 2022
انہوں نے لکھا کہ وزیر خزانہ عنقریب ایک مرتبہ پھر پیٹرول اور بجلی کی قیمتوں پر قیامت ڈھانے والے ہیں۔ اسٹاک ایکسچینج 7 ارب ڈالر، فارن ترسیلات اور فارن ریزرو نیچے آ گئی ہیں۔ قبر کا ریٹ بھی 7 سے 15 ہزار روپے ہو گیا ہے۔
عمران خان نے پی ٹی آئی کو نقصان پہنچانے کا اعتراف کر لیا۔حامد خان
