نیول چیف نے پاک بحریہ کے اہلکاروں کو عسکری اعزازت سے نواز دیا

کراچی: نیول چیف ایڈمرل محمد امجد خان نیازی نے پاک بحریہ کے اہلکاروں کو عسکری اعزازات سے نوازا ہے۔ اہلکاروں کو اعزازات ان کی پیشہ ورانہ کارکردگی کے اعتراف میں دئیے گئے۔ 

تفصیلات کے مطابق کراچی میں منعقدہ ایک شاندار تقریب میں چیف آف دی نیول اسٹاف ایڈمرل محمد امجد خان نیازی نے پاک بحریہ کے اہلکاور ں کو عسکری اعزازت سے نوازتے ہوئے ان کی خدمات کو سراہا۔

پاک نیوی کی شاندار تقریب میں کموڈور محمداسد اقبال، کموڈور ریحان علی، کموڈور محمد اشرف، کموڈور چوہدری ہارون علی، کموڈور محمد مرسلین، کموڈور عابد حسین اور کیپٹن ذیشان علی کوستارۂ امتیاز (ملٹری) کا اعزاز تفویض کیا گیا۔

چیف آف دی نیول اسٹاف کی جانب سے تمغۂ امتیاز (ملٹری) حاصل کرنے والوں میں کیپٹن حمید سلطان، کمانڈر ظفر عباس واہلہ، کمانڈر جہانزیب علی، کمانڈرمحمدابراریونس، لیفٹیننٹ کمانڈر بینش اعجاز، لیفٹیننٹ کمانڈر محمد سمیر ارشاد اور لیفٹیننٹ کمانڈر محمد فہیم شامل تھے۔

امیر البحر ایڈمرل محمد امجد خان نیازی کی جانب سے تمغۂ بسالت کے وصول کنندگان میں لیفٹیننٹ کمانڈر عبدالحمید اور لیفٹیننٹ کمانڈر ارقم نوید شامل تھے۔

پاک بحریہ کی طرف سے امتیازی سند وصول کرنے والوں میں کیپٹن عمرحیات، کیپٹن کامران جبار، راشد علیINTA-IV اور زاہداقبال AAA-IIشامل تھے۔ نیول چیف ایڈمرل محمد امجد خان نیازی نے افسران اور اہلکاروں میں اعزازات تقسیم کیے۔ 

علاوہ ازیں 28 سی پی اوز اور سیلرز کو ان کی خدمات کے اعتراف میں 06تمغۂ خدمت (ملٹری)،15تمغۂ خدمت (ملٹری)I- I اور07 تمغہ خدمت (ملٹری)I- II تفویض کیے گئے۔ پاک بحریہ کے 50 افسران، سی پی اوز، سیلرز اور سویلینز کو امیرالبحر کی جانب سے ستائشی خطوط بھی دئیے گئے۔

تقریب میں پاک بحریہ کے حاضر سروس اور ریٹائرڈ افسران کی بڑی تعدادنے شرکت کی۔اس موقعے پر گفتگو کرتے ہوئے امیر البحر ایڈمرل محمد امجد خان نیازی نے پاک بحریہ کے افسران اور اہلکاروں کی ملک کیلئے پیشہ ورانہ کارکردگی کی تعریف کی۔