پاکستان ہمیشہ کیلئے بدل گیا، غلامی کی زنجیریں ٹوٹ گئیں۔عمران خان

اسلام آباد: چیئرمین پی ٹی آئی اور سابق وزیر اعظم عمران خان نے کہا ہے کہ پاکستان ہمیشہ کیلئے بدل گیا ہے جبکہ غلامی کی زنجیریں ٹوٹ گئی ہیں۔

سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ کنٹینر پر گزارے ہوئے اپنے 7 گھنٹوں کے دوران جو 1 بجے سے 8 بجے تک میں نے 26 مئی کی صبح کو دیکھا، اس سے جو کچھ میں پہلے سے محسوس کررہا تھا، اس کی تصدیق ہوگئی۔

یہ بھی پڑھیں: 

تیاری سے نکلیں گے، اب کوئی روک نہیں سکے گا: عمران خان

What I witnessed during my 7 hours on the container btwn 1am & 8am on 26th morning confirmed what I had been sensing, since this Imported govt was imposed on us through a foreign conspiracy, that Pakistan has changed forever.The mental shackles of slavery have been broken finally

— Imran Khan (@ImranKhanPTI) May 30, 2022

ٹوئٹر پیغام میں چیئرمین تحریکِ انصاف عمران خان نے پی ٹی آئی کے بیانیے پر روشنی ڈالتے ہوئے کہا کہ ہم پر جب سے ایک غیر ملکی سازش کے ذریعے امپورٹڈ حکومت مسلط کی گئی ہے، پاکستان ہمیشہ کیلئے تبدیل ہوگیا ہے، آخر کار غلامی کی زنجیریں ٹوٹ گئی ہیں۔ 

خیال رہے کہ اس سے قبل تحریک انصاف (پی ٹی آئی) کے سربراہ اور سابق وزیراعظم عمران خان کا کہنا تھا کہ اس بار تیاری سے نکلیں گے، اب کوئی روک نہیں سکے گا،حق نہ ملا تو چھین کر لیں گے،حقیقی آزادی کی جنگ جہاد ہے، جب تک زندہ ہوں چوروں کے خلاف جدوجہد جاری رہے گی۔

عمران خان کا گزشتہ روز چارسدہ میں ورکرز کنونشن سے خطاب کرتے ہوئے کہنا تھا کہ ہم کسی صورت امریکی غلاموں کو قبول نہیں کریں گے، چوروں کیخلاف حقیقی آزادی کی جنگ لڑنے کیلئے نکلے ہوئے ہیں، جب کوئی قوم آزادی کی جنگ لڑتی ہے تو وہ جہاد ہوتا ہے۔