گوگل نیوز پر ہمیں فالو کریںجنوبی نائیجیریا میں ایک چرچ کے خیراتی پروگرام کے دوران بھگدڑ مچنے سے 30 سے زائد افراد ہلاک ہو گئے۔
پولیس اور عینی شاہدین کے مطابق شہر میں ہونے والے سانحے کے بعد جوتے اور چپلیں زمین پر بکھرے پڑے تھے جب لوگوں نے زبردستی پروگرام میں جانے کی کوشش کی۔
ریورز اسٹیٹ پولیس نے بتایا کہ ایک مقامی چرچ کی تنظیم مقامی پورٹ ہارکورٹ پولو کلب میں غریبوں کے لیے کھانا اور تحائف تقسیم کر رہی تھی جب ایک ”بڑا” ہجوم قابو سے باہر ہو گیا۔
پولیس نے ایک بیان میں کہا، ”بدقسمتی سے، ہجوم بے قابو ہو گیا اور منتظمین کی جانب سے ہجوم کومنظم کرنے کی تمام کوششیں ناکام ثابت ہوئیں، بھگدڑ میں کل 31 افراد اپنی جانوں سے ہاتھ دھو بیٹھے۔
پولیس نے کہا کہ تفتیش جاری ہے۔ چرچ کے نمائندوں سے فوری طور پر معلومات لینے کے لیے رابطہ نہیں ہو سکا۔
مزید پڑھیں:نیپال، نجی ایئر لائن کا طیارہ لاپتہ، 22افرار سوار تھے
