گوگل نیوز پر ہمیں فالو کریںاسلام آباد: وزیر اعظم میاں شہباز شریف نے چیئرمین پی ٹی آئی کے متعلق مبینہ آڈیو لیک ہونے پر ردِ عمل دیتے ہوئے کہا ہے کہ عمران خان کی منافقت بے نقاب ہوگئی۔
سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ حال ہی میں منظرِ عام پر آنے والی آڈیو ٹیپ نے عمران خان کی منافقت اور دوہرا معیار بے نقاب کردیا۔
زرداری کو عمران خان کا پیغام پہنچانے کی مبینہ آڈیو سامنے آگئی
ٹوئٹر پیغام میں وزیر اعظم شہباز شریف نے کہا کہ اپنے دعووں کے برعکس عمران خان نے خود کو اور اپنی حکومت کو بچانے کیلئے این آر او مانگا جبکہ بیرونی سازش کی کہانی من گھڑت تھی۔
انہوں نے کہا کہ عمران خان نے وزارتِ عظمیٰ بچانے کیلئے این آر او لینے کی کوشش کی جس کی تمام کوششیں ناکام ہونے کے بعد بیرونی سازش کی جھوٹی کہانی سامنے آئی، ان کا جھوٹ بے نقاب ہوگیا۔
The audio tape that surfaced recently exposes Imran Khan’s hypocrisy & double standards. Contrary to his claims, he sought NRO to save himself & his govt. The fake story of foreign conspiracy was manufactured after all his efforts failed. His lies stand exposed.
— Shehbaz Sharif (@CMShehbaz) May 29, 2022
خیال رہے کہ اس سے قبل عمران خان کا پیغام سابق صدر آصف زرداری کو پہنچانے کی ملک کے نامور پراپرٹی ٹائیکون ملک ریاض کی مبینہ آڈیو سامنے آگئی۔
گزشتہ روز منظرِ عام پر آنےوالی آڈیو میں ملک ریاض نے کہا کہ سر بس بتانا تھا، میں نے پہلے بھی آپ کو بتایا تھا، باتیں آپ سے کرنی ہیں، آپ نے کہا تھا بات نہیں کریں گے۔
مبینہ آڈیو میں ملک ریاض کا کہنا تھا کہ آپ کو انفارمیشن دینی تھی، خان کی طرف سے مجھے بہت زیادہ پیغامات آئے کہ پیچ اپ کروا دیں آپ کے ساتھ، آج تو اس نے مجھے بہت ہی میسجز کیے۔
