ڈیووس: وزیر خارجہ بلاول بھٹو زرداری نے کہا کہ پاکستان اور آئی ایم ایف کے درمیان جاری بیل آؤٹ معاہدہ متعدد عالمی بحرانوں کے پیش نظر ’پرانا‘ ہے۔
تفصیلات کے مطابق وزیر خارجہ بلاول بھٹو زرداری نے بدھ کو سوئٹزر لینڈ کے شہر ڈیووس میں ورلڈ اکنامک فورم کے موقعے پر روئٹرز سے گفتگو میں کہا کہ پاکستان اور آئی ایم ایف کے درمیان جاری بیل آؤٹ معاہدہ متعدد عالمی بحرانوں کے پیش نظر ’پرانا‘ ہے۔ ان کا کہنا تھا کہ پاکستان کے لیے موجودہ مذاکرات میں آئی ایم ایف کے سامنے یہ دلیل رکھنا جائز ہوگا۔
پاکستان نے 2019 میں آئی ایم ایف کے ساتھ چھ ارب ڈالرز کا تین سالہ معاہدہ کیا تھا لیکن وہ سخت پالیسی وعدوں پر عمل درآمد میں مشکلات کا شکار ہے۔ ’یہ آئی ایم ایف ڈیل زمینی حقائق پر مبنی نہیں اور جب اس معاہدے پر بات ہوئی تھی تب سے سیاق و سباق بالکل بدل چکا ہے۔
یہ بھی پڑھیں: آئی ایم ایف نے قرض کی قسط کو پیٹرول کی قیمتیں بڑھانے سے مشروط کردیا