امپورٹڈ حکومت کو خبردار کیا تھا، سازش کی کامیابی معیشت تباہ کردیگی۔عمران خان

اسلام آباد: چیئرمین پی ٹی آئی اور سابق وزیر اعظم عمران خان نے کہا ہے کہ میں نے امپورٹڈ حکومت کو خبردار کیا تھا کہ غیر ملکی سازش کی کامیابی سے میری اقتدار سے بے دخلی ملکی معیشت تباہ کردیگی۔

سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ ہم نے موجودہ حکومت کو خبردار کیا تھا کہ اگر سازش کامیاب ہوئی تو معیشت بحران میں چلی جائے گی۔

یہ بھی پڑھیں:

ملک سری لنکا کے حالات کی طرف جاسکتا ہے، شیخ رشید

متحدہ اپوزیشن کی جانب سے تحریکِ عدم اعتماد کے ذریعے اقتدار سے بے دخل کیے جانے والے سابق وزیر اعظم عمران خان نے امریکی ڈالر کے مقابلے میں پاکستانی روپے کی بے قدری پر تنقید کی۔

روپیہ تاریخ کی کم ترین سطح193پرہے(8مارچ کو178تھا)؛ شرح سود1998کےبعد15%کی بلندترین سطح پرہے؛سٹاک مارکیٹ3000پوائنٹس یا6.4% تک گرچکی ہے؛سٹاک مارکیٹ604ارب روپےکی کیپیٹلائزیشن گنواچکی ہے؛اور مہنگائی جنوری2020کےبعدسے13.4%کی بلند ترین سطح پرہے۔یہ سب امپورٹڈحکومت پرتاریخ کےکم ترین

— Imran Khan (@ImranKhanPTI) May 13, 2022

آج امریکی ڈالر پاکستان میں 193روپے تک جا پہنچا جو اس کی نئی بلند ترین سطح ہے جبکہ معاشی طور پر غیر یقینی کی صورتحال کے باعث اسٹاک مارکیٹ میں بھی مندی کا رجحان رہا۔

چیئرمین پی ٹی آئی نے کہا کہ ہم اسٹیبلشمنٹ کو یہ بتا چکے تھے کہ ہماری حکومت کے خاتمے کے نتیجے میں معاشی صورتحال تباہی کی طرف جائے گی۔ آج شرحِ سود 1998ء کے بعد سب سے زیادہ ہے۔

سابق وزیر اعظم عمران خان نے کہا کہ پاکستان اسٹاک مارکیٹ 3000 پوائنٹس تک گر گئی۔ ملک بھر میں مہنگائی کی شرح 13 اعشاریہ 4 فیصد تک جا پہنچی۔