پاکستان میں کورونا کے 65نئے کیسز رپورٹ، 131مریضوں کی حالت تشویشناک

اسلام آباد: پاکستان میں کورونا کے 65 نئے کیسز رپورٹ ہوئے، گزشتہ 24 گھنٹوں کے دوران وائرس کے باعث کسی ہلاکت کی اطلاع موصول نہیں ہوئی تاہم کورونا کے 131مریضوں کی حالت تشویشناک ہے۔

تفصیلات کے مطابق ملک بھر میں کورونا کے کیسز اور اموات کا سلسلہ تھم گیا۔ نیشنل انسٹیٹیوٹ آف ہیلتھ کا کہنا ہے کہ گزشتہ 24 گھنٹوں کے دوران کورونا کے 18 ہزار 715 ٹیسٹ کیے گئے جن میں سے 65 مثبت نکلے۔

یہ بھی پڑھیں:

شمالی وزیرستان میں پولیو کا ایک اور کیس سامنے آگیا

این آئی ایچ کے جاری کردہ اعدادوشمار کے مطابق ملک بھر میں گزشتہ 24گھنٹوں کے دوران کورونا ٹیسٹ کا نتیجہ مثبت آنے کی شرح 0.35 فیصد رہی۔ کورونا کے 131 مریض انتہائی نگہداشت میں ہیں۔ 

COVID-19 Statistics 30 Apr 2022
Total Tests in Last 24 Hours: 18,715
Positive Cases: 65
Positivity %: 0.35%
Deaths: 00
Patients on Critical Care: 131

— NIH Pakistan (@NIH_Pakistan) April 30, 2022

خیال رہے کہ اس سے قبل آرمی چیف جنرل قمر جاوید باجوہ اور مائیکروسافٹ کمپنی کے بانی بل گیٹس کے مابین ٹیلیفونک رابطہ ہوا جس کے دوران پولیو کے خاتمے اور کورونا کی صورتحال پر تبادلۂ خیال کیا گیا ۔

 چیف آف آرمی اسٹاف جنرل قمر جاوید باجوہ اور سافٹ وئیر کمپنی مائیکرو سافٹ کے بانی بل گیٹس کے مابین ٹیلیفونک رابطہ گزشتہ روز ہوا۔ پاک فوج کے شعبۂ تعلقاتِ عامہ کا کہنا ہے کہ ٹیلیفونک رابطے کے دوران پولیو کے خاتمے اور ملک میں جاری کورونا کی موجودہ صورتحال پر گفتگو ہوئی۔

پاک فوج کے شعبۂ تعلقاتِ عامہ (آئی ایس پی آر) کے جاری کردہ بیان کے مطابق بل گیٹس نے پولیو کے خاتمے کیلئے پاک فوج کے کردار کو سراہا۔ اس موقعے پر گفتگو کرتے ہوئے چیف آف آرمی اسٹاف جنرل قمر جاوید باجوہ نے کہا کہ پولیو سے پاک پاکستان ہمارا قومی مقصدہے۔