وزیراعظم شہباز شریف کی لوڈ شیڈنگ کا دورانیہ کم کرنے کی ہدایت

اسلام آباد: وزیراعظم  میاں محمد شہبازشریف نے لوڈشیڈنگ کے طویل دورانیے پر برہمی کا اظہار کرتے ہوئے عوام کو ریلیف فراہم کرنے کے لیے بجلی کی لوڈ شیڈنگ آئندہ ماہ تک کم کرنے کی ہدایت کی ہے۔  

تفصیلات کے مطابق وزیراعظم  میاں شہباز شریف نے ملک بھر میں جاری لوڈ شیڈنگ پر تشویش کا اظہار کرتے ہوئے ہنگامی بنیادوں پر بجلی کی خرابیوں کو کم کرنے کے لیے اقدامات کرنے کی بھی ہدایت کی۔ انہوں نے افسوس کا اظہار کیا کہ سابق حکومت نے بجلی کے وہ یونٹ بند کردئیے جو ن لیگی حکومت نے کم لاگت بجلی کی پیداوار کیلئے لگائے تھے۔

  یہ بھی پڑھیں:

کرتارپور راہداری کے غلط استعمال کا الزام، پاکستان نے بھارتی پروپیگنڈا مسترد کردیا

لوڈ شیڈنگ پر برہمی کا اظہار کرتے ہوئے وزیر اعظم نے کہا کہ گزشتہ حکومت نے ان کم بجلی پیدا کرنے والے یونٹس کو استعمال کیا ، مہنگی بجلی فراہم کی اور اس ناانصافی کی وجہ سے قوم کو ہر ماہ 100 ارب روپے کی بھاری قیمت چکانا پڑی۔  ایل این جی لے جانے والا جہاز جس کی قیمت 6 ارب روپے تھی، اب اس کی قیمت 20 ارب روپے ہے۔

وزیر اعظم شہباز شریف نے کہا کہ عمران خان کی حکومت کی اس طرح کی ناانصافیوں کی وجہ سے قوم کو اس سال 500 ارب روپے سے زائد کا نقصان اٹھانا پڑا۔انہوں نے عوام کو ریلیف فراہم کرنے کے عزم کا اظہار کرتے ہوئے کہا کہ مسئلے کے حل تک نہ تو خود چین سے بیٹھوں گا اور نہ ہی کسی اور کو بیٹھنے دوں گا۔

میاں شہباز شریف نے کہا کہ سابق حکومت کی مجرمانہ غفلت سے شہریوں کو پریشانی کا سامنا ہے۔نواز شریف حکومت نے اضافی بجلی پیدا کی تاہم عمران حکومت نے ایک بھی نیا یونٹ نہیں لگایا۔ انہوں نے متعلقہ حکام کو ہدایت کی کہ تیل اور گیس کی فراہمی تک لوڈ شیڈنگ کم کرنے سے متعلق عارضی اقدامات اٹھائے جائیں۔