نو سو چوہے کھا کر بلی حج کو چلی، مریم نواز کے عمرہ کیلئے پاسپورٹ مانگنے پر فواد چوہدری کی تنقید

اسلام آباد:پاکستان تحریک انصاف کے مرکزی رہنماء و سابق وفاقی وزیر فواد چوہدری نے مسلم لیگ ن کی رہنماء مریم نواز کے عمرہ کیلئے پاسپورٹ مانگنے پر تنقید کی ہے۔

اپنے ٹوئٹر پیغام میں انہوں نے کہاکہ نو سو چوہے کھا کر بلی حج کو چلی، اب جب مریم بی بی نے عدالت میں درخواست دی کہ میں نے عمرہ پر جانا ہے عدالت پاسپورٹ دے تب جا کے اس اردو محاورے کے معنی اور وسعت سمجھ آئی۔

نو سو چوہے کھا کر بلی حج کو چلی، اب جب مریم بی بی نے عدالت میں درخواست دی کہ میں نے عمرہ پر جانا ہے عدالت پاسپورٹ دے تب جا کے اس اردو محاورے کے معنی اور وسعت سمجھ آئ۔۔۔ #امپورٹڈ_حکومت_نامنظور

— Ch Fawad Hussain (@fawadchaudhry) April 22, 2022

واضح رہے کہ گزشتہ روز پاکستان مسلم لیگ ن کی نائب صدر مریم نواز نے عمرہ پر جانے کی اجازت کے لیے لاہور ہائی کورٹ سے رجوع کیا تھا۔

مزید پڑھیں:بلاول بھٹو کی لندن میں نواز شریف سے ملاقات، ملک کی سیاسی صورتحال پر گفتگو

مریم نواز نے اپنی درخواست میں موقف اختیار کیا کہ میں نے اپنا پاسپورٹ لاہور ہائیکورٹ میں جمع کرایا تھا، میں عمرہ کرنے سعودی عرب جانا چاہتی ہوں لیکن ایسا نہیں کر سکتی کیونکہ میرا پاسپورٹ لاہور ہائیکورٹ میں جمع ہے۔

انہوں نے عدالت سے استدعا کی کہ ایک بار عمرہ پر جانے کی اجازت دی جائے اور ان کا پاسپورٹ عارضی طور پر واپس کرنے کے احکامات جاری کیے جائیں۔