اکشے کمار نے گٹکا برانڈ کے اشتہار میں کام کرنے پر معافی مانگ لی

بالی ووڈ کے سپر اسٹار اکشے کمار نے گٹکا برانڈ کے اشتہار میں کام کرنے پر مداحوں اور خیر خواہوں سے معافی مانگ لی ہے۔

حال ہی میں اکشے کمار، شاہ رخ خان اور اجے دیوگن ایک بھارتی گٹکا برانڈ کے اشتہار میں نظر آئے، بہت سے لوگوں نے نشاندہی کی کہ اشتہار میں اداکار تمباکو کی مصنوعات کی تشہیر کرتے ہوئے دیکھا جا سکتا ہے۔ 

مذکورہ اشتہار کو دیکھنے کے بعد بھارتی ٹوئٹر صارفین نے صرف اکشے کمار کو تنقید کا نشانہ بنایا کیونکہ وہ اکثر فٹنس کے حوالے سے گفتگو کرتے نظر آتے ہیں تاہم اب اکشے کمار نے بھارتی ٹوئٹر صارفین سے معافی مانگ لی ہے۔

???????? pic.twitter.com/rBMZqGDdUI

— Akshay Kumar (@akshaykumar) April 20, 2022

اکشے کمار نے اپنے ٹوئٹ میں کہا کہ مجھے افسوس ہے، میں آپ سے، اپنے تمام مداحوں اور خیر خواہوں سے معافی مانگنا چاہتا ہوں، پچھلے کچھ دنوں میں آپ کے ردعمل نے مجھے بہت متاثر کیا ہے۔ اگرچہ میں تمباکو کی حمایت نہیں کرتا اور نہ کروں گا لیکن میں آپ کے جذبات کا احترام کرتا ہوں۔

انہوں نے کہا کہ میں پوری عاجزی کے ساتھ، اس برانڈ کے ساتھ کام کرنے سے پیچھے ہٹتا ہوں، اُن کا کہنا تھا کہ برانڈ اس معاہدے کی قانونی مدت تک اشتہارات نشر کرنا جاری رکھ سکتا ہے جو مجھ پر پابند ہے لیکن میں وعدہ کرتا ہوں کہ اپنے مستقبل کے انتخاب میں انتہائی ہوشیار رہوں گا۔

اداکارنے مزیدکہا کہ میں ہمیشہ آپ کی محبت اور خواہشات کے لیے دعاگو رہوں گا۔

واضح رہے کہ بھارتی ٹوئٹر صارفین نے اکشے کمار کی وہ پرانا ویڈیو کلپ شیئر کیا تھا جس میں اداکار نے کہا تھا کہ انہیں اس طرح کے کئی اشتہارات کی پیشکش کی گئی ہے لیکن وہ کبھی ایسے اشتہارات میں کام نہیں کریں گے کیونکہ وہ صحت مند بھارت چاہتے ہیں