گوگل نیوز پر ہمیں فالو کریںاسلام آباد: نجی ہوٹل میں پی ٹی آئی کے منحرف رکن اسمبلی نور عالم خان کے ساتھ ہاتھا پائی کے بعد بزرگ شخص کو بدتمیزی اور تشدد کا نشانہ بنایا گیا۔
ذرائع کے مطابق نور عالم خان، پیپلز پارٹی کے رہنما ندیم افضل چن، سینیٹر مصطفی نواز کھوکھر اور فیصل کریم کنڈی کے ساتھ مقامی ہوٹل میں افطار کر رہے تھے جب یہ واقعہ پیش آیا۔
ایک بزرگ نے مبینہ طور پر پشتو میں پی ٹی آئی کے رکن اسمبلی کو گالی دی اور ان پر ٹرن کوٹ ہونے کا الزام لگایا۔ نور عالم خان نے اس شخص کو بارہا منع کیا کہ وہ ماحول خراب نہ کرے، تاہم وہ شخص انہیں گالیاں دیتا رہا۔
غلام مصطفیٰ کھوکھر کا بزرگ شہری پر تشدد
کیا سپریم کورٹ نوٹس لے گی؟ #امپورٹڈ_حکومت_نامنظور pic.twitter.com/AA0XMvl7tY— Anwar Lodhi (@AnwarLodhi) April 12, 2022
اچانک نور عالم خان آپے سے باہر ہوگئے جس کے باعث دونوں کے درمیان ہاتھا پائی شروع ہوگئی، اس واقعے کی ویڈیو میں پی پی پی کے رہنما مصطفی نواز کھوکھر اور فیصل کریم کنڈی بھی بزرگ شخض کو مارتے ہوئے اور بوتل پھینکتے ہوئے دکھائی دے رہے ہیں۔
نور عالم پی ٹی آئی کے ان 20 ناراض ایم این ایز میں شامل تھے جنہوں نے اپنی پارٹی کے رہنما عمران خان کے خلاف تحریک عدم اعتماد میں اپوزیشن کی حمایت کا فیصلہ کیا تھا۔ پیپلز پارٹی کے سابق رکن نور عالم خان نے گزشتہ انتخابات سے قبل پی ٹی آئی میں شمولیت اختیار کی تھی۔
مزید پڑھیں: پیپلز پارٹی کی وفاقی کابینہ میں شمولیت میں دلچسپی نہیں، اہم عہدوں پر نظر ہے، ذرائع
