شہباز شریف مبارکباد کے پیغام پر بھارتی وزیر اعظم کے شکرگزار

اسلام آباد: وزیر اعظم پاکستان شہباز شریف نے بھارتی ہم منصب نریندر مودی کی جانب سے مبارکباد کے پیغام پر ان کا شکریہ ادا کیا ہے۔

سماجی رابطے کی ویب سائٹ ٹوئٹر پر اپنے پیغام میں شہباز شریف نے کہا کہ میں بھارتی وزیر اعظم نریندر مودی کا تہنیتی پیغام پر شکر گزار ہوں۔ پاکستان بھارت کے ساتھ پر امن اور تعاون پر مبنی دو طرفہ تعلقات کا خواہاں ہے۔

یہ بھی پڑھیں:

وزیراعظم آزاد کشمیر کیخلاف بھی تحریک عدم اعتماد جمع

ٹوئٹر پیغام میں وزیر اعظم شہباز شریف نے کہا کہ ہم بھارت کے ساتھ متنازعہ معاملات بشمول مسئلۂ جموں و کشمیر کو پرامن طریقے سے حل کرنا چاہتے ہیں۔ دہشت گردی کے خلاف جنگ میں پاکستان کی قربانیوں سے دنیا خوب واقف ہے۔ اس

.. focus on socio-economic development of our people.

— Shehbaz Sharif (@CMShehbaz) April 12, 2022

وزیر اعظم شہباز شریف نے بھارتی ہم منصب نریندر مودی کا شکریہ ادا کرتے ہوئے کہا کہ ہم پاکستان اور بھارت میں سرحد کے دونوں اطراف اپنے عوام کی سماجی و اقتصادی بحالی کے ایجنڈے پر عمل پیرا رہیں گے۔ 

خیال رہے کہ اس سے قبل شہباز شریف کے وزیر اعظم منتخب ہونے پر مبارکباد دیتے ہوئے ان کے بھارتی ہم منصب نریندر مودی کا کہنا تھا کہ بھارت خطے میں امن و استحکام کا خواہش مند اور دہشت گردی سے نجات کا خواہاں ہے۔