پارلیمنٹ کے آئینی اختیارات کو فوری بحال کیا جائے، نواز شریف

لندن: سابق وزیراعظم اور پاکستان مسلم لیگ (ن) کے سپریم لیڈر نواز شریف نے کہا ہے کہ ڈپٹی اسپیکر قومی اسمبلی کا فیصلہ قانون اور آئین کے منافی ہے اس لیے اب اسے صرف کالعدم قرار دینا کافی نہیں ہوگا۔

ایک ٹویٹ میں انہوں نے مزید کہا کہ آئین اور قومی مفاد کی ضرورت ہے کہ پارلیمنٹ کے آئینی اختیارات کو فوری بحال کیا جائے تاکہ پارلیمنٹ قانون اور آئین کے مطابق حکمرانی اور ذمہ داریاں جاری رکھ سکے۔

مزید پڑھیں:صرف ڈپٹی اسپیکر کے فیصلے کو غلط قرار دینا کافی نہیں ہے، مریم نواز

اس سے قبل نواز شریف کی صاحبزادی مریم نواز بھی اپنی ٹوئٹ میں انہی خیالات کا اظہار کر چکی ہیں۔اُن کا بھی اپنے ٹوئٹ میں کہنا تھا کہ صرف ڈپٹی اسپیکر کے فیصلے کو غلط قرار دینا کافی نہیں ہے۔