پاکستان میں مسلسل تیسرے روز کورونا سے اموات صفر، 148 مزید شہری متاثر

اسلام آباد: ملک بھر میں مسلسل تیسرے روز کورونا سے اموات صفر رہیں تاہم گزشتہ 24 گھنٹوں کے دوران 148 مزید شہری وائرس سے متاثر ہو گئے ہیں۔ 

قومی ادارۂ صحت کے جاری کردہ اعدادوشمار کے مطابق ملک بھر میں کورونا سے 15 لاکھ 25 ہزار 923 افراد متاثر ہوئے جبکہ وائرس کے باعث انتقال کر جانے والوں کی تعداد 30 ہزار 361 ہے۔ شرحِ اموات 2 فیصد پر برقرار ہے۔ 

یہ بھی پڑھیں:

پاک آسٹریلیا وائٹ بال سیریز، مہمان کھلاڑیوں کے کورونا ٹیسٹ منفی آگئے

گزشتہ 24 گھنٹوں میں ملک بھر میں کورونا کے 26ہزار413 ٹیسٹ کیے گئے جبکہ مثبت کیسز کا تناسب 0.56 فیصد رہا۔ اب تک کیے گئے ٹیسٹس کی تعداد 2کروڑ 76لاکھ 33ہزار 900ہو گئی جبکہ کورونا کے 310مریض انتہائی نگہداشت میں ہیں۔

COVID-19 Statistics 6 Apr 2022
Total Tests in Last 24 Hours: 26,413
Positive Cases: 148
Positivity %: 0.56%
Deaths: 00
Patients on Critical Care: 310

— NIH Pakistan (@NIH_Pakistan) April 6, 2022

ملک بھر میں گزشتہ 24گھنٹوں کے دوران کورونا کے 212مریضوں نے وائرس کو شکست دے دی جس سے صحت یاب ہونے والوں کی کل تعداد 14 لاکھ 86 ہزار 464 ہو گئی۔کورونا کے فعال کیسز 9 ہزار 98ہو گئے ہیں۔

سندھ میں 5 لاکھ 75 ہزار 949، پنجاب میں 5 لاکھ 5 ہزار 224، خیبرپختونخوا  2 لاکھ 19ہزار 173، اسلام آباد 1 لاکھ 35ہزار 103، بلوچستان 35ہزار 478، آزاد کشمیر 43 ہزار 281جبکہ گلگت بلتستان میں 11 ہزار 715کورونا کیسز رپورٹ ہوئے۔

پنجاب میں 13ہزار558 افراد کورونا کے باعث انتقال کر گئے۔ سندھ میں 8 ہزار 97، خیبرپختونخوا میں 6 ہزار 322، اسلام آباد میں 1ہزار23، آزاد کشمیر میں 792، بلوچستان میں 378 جبکہ گلگت بلتستان میں 191شہری جاں بحق ہوئے۔