اسمبلیاں تحلیل، ملک میں 90 روز میں نئے انتخابات کا اعلان

اسلام آباد: حکومت نے اسمبلیاں تحلیل کرنے کے بعد ملک میں 90 روز میں نئے انتخابات کا اعلان کردیا۔

وزیرمملکت برائے اطلاعات و نشریات کا کہنا ہے کہ وزیراعظم نے حکومت کیخلاف سازش کو ناکام بناکر صدر کو اسمبلیاں تحلیل کرنے کی تجویز دیدی ہے اور ملک میں 90 روز میں نئے انتخابات ہونگے۔

اس سے قبل آج قومی اسمبلی کے اجلاس میں وفاقی وزیر قانون فواد چوہدری نے وزیراعظم عمران خان کیخلاف تحریک عدم اعتماد کو غیر ملکی سازش قرار دیا تھا جس کے بعد ڈپٹی اسپیکر قومی اسمبلی قاسم سوری تحریک عدم اعتماد کو کالعدم قرار دیتے ہوئے اجلاس ملتوی کردیا تھا۔

قومی اسمبلی کا اجلاس ملتوی ہونے کے بعد وزیراعظم عمران خان نے قوم سے خطاب میں کہا کہ انہوں نے صدر مملکت کو اسمبلیاں تحلیل کرنے کی تجویز دیدی ہے جس کے بعد وزیرمملکت فرخ حبیب نے 90 روز میں نئے الیکشن کا پیغام دیا ہے۔