گوگل نیوز پر ہمیں فالو کریںاسلام آباد: پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ وہ اتوار کو ’نئے پاکستان‘ میں سحری اور ’پرانے پاکستان‘ میں افطاری کریں گے۔
وزیر اعظم عمران خان کی احتجاجی کال پر ردعمل دیتے ہوئے پی پی پی چیئرمین نے الزام لگایا کہ امن و امان اور وزیر اعظم کے خلاف تحریک عدم اعتماد کے آئینی عمل کو خراب کرنے کی کوشش کی جا رہی ہے۔
وہ ہفتہ کی شام پیپلز پارٹی کے سینئر رہنماؤں کے ہمراہ پریس کانفرنس سے خطاب کر رہے تھے۔ بلاول نے وزیراعظم عمران خان کو مشورہ دیا کہ وہ اپنے عہدے سے سبکدوش ہو جائیں کیونکہ وہ قومی اسمبلی میں اکثریت کھو چکے ہیں۔
بلاول بھٹو زرداری نے کہا کہ ”انہیں اسپورٹس مین جذبہ دکھانا چاہیے اور ایم این ایز کی اکثریت کا اعتماد کھونے کے بعد استعفیٰ دینا چاہیے۔“
پی پی پی رہنما نے کہا کہ وہ ’نیا پاکستان‘ میں سحری کریں گے اور ’پرانا پاکستان‘ میں افطاری کریں گے،انہوں نے کہا کہ ’شیطان کو کل جکڑ دیا جائے گا‘۔
آئندہ سیٹ اپ کے حوالے سے بلاول بھٹو زرداری کا کہنا تھا کہ پی ٹی آئی کی حکومت کا گند صاف کر دیں گے، نظام میں اصلاحات کے بعد الیکشن ہوں گے۔
مزید پڑھیں: عمران خان جو کچھ کر رہے ہیں اس کا احتساب ہو گا، شہباز شریف
