گوگل نیوز پر ہمیں فالو کریںڈیرہ اسماعیل خان:انجم آباد میں اسلامی مدرسہ کی معلمہ کو بے دردی سے قتل کردیا، قتل کے الزام میں تین لڑکیوں کو حراست میں لے لیا گیا ہے۔
پولیس کے مطابق واقعہ ڈیرہ اسماعیل خان کے نواحی علاقہ انجم آباد میں پیش آیا، جہاں تین لڑکیوں نے مل کرمدرسہ اصلاح البنات کی معلمہ کوبے دردی سے ذبح کر کے قتل کردیا۔
پولیس کے مطابق دو زنانہ مدرسوں کی خواتین میں تنازعہ چل رہا تھا،جس کے بعد آج یہ نہ خوشگوار واقعہ پیش آیا۔تین لڑکیوں کو پولیس نے حراست میں لے لیا ہے، جن سے پوچھ گچھ جاری ہے۔ قتل ہونے والی خاتون ٹیچر کی نعش پوسٹمارٹم کے لئے ہسپتال منتقل کردی گئی ہے۔
دوسری جانب وفاق المدارس نے مدرسہ کی معلمہ کے قتل کے واقعہ کو افسوسناک قرار دیا اور واقعہ کی غیر جانبدارانہ اور منصفانہ تحقیقات کا مطالبہ کیا۔
مزید پڑھیں: کراچی میں پولیس اور رینجرز کی کارروائی، بھاری اسلحے کے ساتھ ملزم گرفتار
