شمالی کوریا نے لانگ رینج میزائل کے تجربے کی تصدیق کردی

پیانگ یانگ: شمالی کوریا نے طویل فاصلے تک مار کرنے والے میزائل کے مزید ایک تجربے کی تصدیق کر دی ہے۔

بین الاقوامی میڈیا کا اس حوالے سے کہنا ہے کہ شمالی کوریا حکومت نے نئی قسم کے بین البراعظمی بیلسٹک میزائل تجربے کی تصدیق کردی۔

بتایا گیا ہے کہ شمالی کوریا کے سربراہ مملکت کم جونگ ان نے بذات خود اِس ٹیسٹ کا حکم دیا تھا۔ یہ میزائل جاپانی پانیوں میں تقریبا ایک ہزار کلومیٹر کے فاصلے پر سمندر میں گر کر تباہ ہو گیا۔

مزید پڑھیں: امریکا کی پہلی خاتون سیکریٹری خارجہ میڈلین البرائٹ انتقال کر گئیں

ٹوکیو حکومت کے ساتھ ساتھ امریکہ، جنوبی کوریا اور جرمنی نے اس تجربے کی شدید مذمت کی ہے۔ اقوام متحدہ کی متعدد قراردادوں کے تحت شمالی کوریا کو بیلسٹک میزائلوں کے تجربے کرنے کی اجازت نہیں ہے۔