ارشد پپو قتل کیس میں نامزدسابق پولیس افسر اور محکمہ تعلیم کا ملازم کراچی میں قتل

کراچی:صدر انگلش بوٹ ہاؤس کے قریب فائرنگ، دو افراد شدید زخمی، دونوں افراد اسپتال پہنچنے سے قبل چل بسے۔

مقتولین کی شناخت عبدالرحمان اور چاند خان کے نام سے ہوئی،جائے وقوع سے نائن ایم ایم کی گولیوں کے تین خول ملے ہیں۔

پولیس کا کہنا ہے کہ ابتدائی طور پر واقعہ ٹارگٹ کلنگ لگتا ہے،دونوں افراد موٹرسائیکل پر سوار تھے ،ملزمان انکا تعاقب کرتے ہوئے آئے تھے۔

مقتول چاند خان نیازی سابق پولیس افسر لیاری گینگ وار کے سرغنہ ارشد پپو قتل کیس میں نامزد تھا جبکہ مقتول عبدالرحمان محکمہ تعلیم بلوچستان کا ملازم ہے۔

مزید پڑھیں:سکھر میں اغواء میں ناکامی پر ہندو لڑکی پوجا کماری قتل

موٹرسائیکل سوار ملزمان نے فائرنگ کرکے پہلے ایک کو قتل کیا،عبدالرحمان نے فرار ہونے کی کوشش کی تو ملزمان نے پیچھے جا کر قتل کیا۔

جائے وقوعہ سے نائن ایم ایم کے تین خول ملے ہیں،مرنے والا دوسرا شخص عبدالرحمان محکمہ تعلیم بلوچستان کا افسر تھا،سولجر بازار میں 31 دسمبرکو ارشد پپو کیس کے ایک اور مدعی سابق پولیس انسپکٹر جاوید بلوچ کو بھی قتل کیا گیا تھا۔