گوگل نیوز پر ہمیں فالو کریںبرازیلیا: برازیل میں عدالتی حکم پر میسجنگ ایپ ٹیلیگرام پر پابندی عائد کردی گئی ہے کیونکہ وہ گمراہ کن تفصیلات کی روک تھام میں ناکام رہی۔
بین الاقوامی میڈیا رپورٹس کے مطابق ٹیلیگرام کے سی ای او پاویل ڈرو نے کہا کہ ٹیلیگرام کو اس لیے پابندی کا سامنا کرنا پڑا کیونکہ کمپنی کی جانب سے غلط ای میل ایڈریس پر میلز کو چیک کیا جاتا رہا۔
انہوں نے مزید بتایا کہ کمپنی کی جانب سے عدالت میں مستقبل میں مواد ہٹانے کے حوالے سے وضاحت کے لیے ایک ای میل مختص کرکے بتایا گیا تھا مگر بظاہر ان کی جانب سے پرانے جرنل ای میل ایڈریس پر میلز بھیجی گئیں۔
انہوں نے کہا کہ ایسا لگتا ہے کہ ہمارے ٹیلیگرام ڈاٹ او آر جی کارپوریٹ ای میل ایڈریسز اور برازیلین سپریم کورٹ کے درمیان میلز کے حوالے سے مسئلہ ہے۔
اور ٹیلیگرام کسی وجہ سے ان کو پڑھ نہیں سکی اور اب اس پر پابندی عائد کردی گئی ہے، اب وہ عدالت کے رحم و کرم پر ہے۔کمپنی کے مطابق اب اسے برازیلین عدالت کی ای میلز مل گئی ہیں جس سے عندیہ ملتا ہے کہ پرانا ایڈریس بھی کام کررہا تھا۔
جس سے معاملہ مزید عجیب ہوجاتا ہے کہ کمپنی ان ای میلز کو پڑھ کیوں نہیں سکی۔برازیل میں ٹیلیگرام پر پابندی کی وجہ انتخابات کے دوران اس ایپ کی مدد سے افواہوں کا پھیلنا تھا۔
مزید پڑھیں: کیا آپ جانتے ہیں کہ واٹس ایپ میں فونٹ سائز کیسے بدلا جاتا ہے؟
