اسلام آباد ہائیکورٹ کا عمران خان اور اسد عمر کیخلاف الیکشن کمیشن کا نوٹس معطل کرنے سے انکار

اسلام آباد :الیکشن کمیشن کی جانب سے وزیر اعظم عمران خان اور وزراء کوانتخابی مہم کے دوران ضابطہ اخلاق کی خلاف ورزی سے جاری ہونیوالا نوٹس اسلام آباد ہائیکورٹ نے معطل کرنے سے انکار کردیا۔

وزیر اعظم عمران خان کے وکیل نے اسلام آباد ہائی کورٹ سے استدعا کی کہ وزیر اعظم کو ضابطہ اخلاق کی خلاف ورزی پر جاری نوٹس کو معطل کیا جائے۔ اسلام آباد ہائی کورٹ کے جج جسٹس عامر فاروق نے نوٹس کی فوری معطلی سے انکار کرتے ہوئے کہا کہ الیکشن کمیشن کو سنے بغیر حکم امتناعی جاری نہیں کیا جا سکتا۔

مزید پڑھیں:وزیرِ اعظم کے انتخاب و عدم اعتماد سے ہمارا کوئی تعلق نہیں،الیکشن کمیشن

اس سے قبل وزیر اعظم عمران خان اور وفاقی وزیر اسد عمر نے انتخابی مہم میں حصہ لینے پر الیکشن کمیشن کے نوٹسز کے خلاف اسلام آباد ہائیکورٹ سے رجوع کیا تھا تاہم اس پٹیشن پر رجسٹرار آفس نے اعتراض دور کرنے کی ہدایت کی ھی۔

چیف جسٹس اسلام آباد ہائیکورٹ جسٹس اطہر من اللہ نے کہا تھا کہ کہ بائیو میٹرک کی سہولت سے کسی کو استثنا نہیں دیا۔پی ایم ہاؤس میں بائیو میٹرک کی سہولت ہے، وہاں سے کروا لیں،اعتراضات دور ہوجائیں تو درخواست کل سماعت کیلئے مقرر کی جائے۔