عوامی رابطہ مہم جاری، وزیر اعظم سوات میں جلسے سے خطاب آج کرینگے

اسلام آباد: وزیر اعظم عمران خان عوامی رابطہ مہم کے سلسلے میں سوات میں جلسۂ عام سے خطاب آج کریں گے جس کا مقصد قومی و سیاسی صورتحال پر قوم کو اعتماد میں لینا ہے۔

تفصیلات کے مطابق تحریکِ انصاف آج سوات میں پنڈال سجائے گی۔ وزیر اعظم عمران خان جلسے کے دوران عوام سے اپنے خطاب میں تحریکِ عدم اعتماد اور اپوزیشن کے لانگ مارچ سمیت دیگر سیاسی امور پر بھی گفتگو کریں گے۔

یہ بھی پڑھیں:

حکومت جلسہ کر لے، دھرنا دیا تو درگت بنائی جائیگی۔رانا ثناء اللہ

آج سے 3 روز قبل وزیر اعظم عمران خان نے حافظ آباد میں عوامی جلسے سے خطاب کیا۔ 5 روز قبل 11 مارچ کو وزیر اعظم نے لوئر دیر میں بھی عوامی اجتماع سے خطاب کیا تھا جس کے متعلق اعلان 9 مارچ کو کیا گیا۔

سماجی رابطے کی ویب سائٹ ٹوئٹر پر 7روز قبل اپنے پیغام میں سینیٹر فیصل جاوید خان نے کہا کہ منڈی بہاؤ الدین اور  میلسی کے کامیاب عوامی جلسوں کے بعد اب وزیر اعظم عوامی رابطہ مہم کے تحت 11 مارچ کو لوئر دیر میں جلسے سے خطاب کرینگے۔

سینیٹر فیصل جاوید خان نے لوئر دیر کے جلسے کے متعلق کہا کہ وزیر اعظم کا خطاب جمعہ کے روز ہوگا جبکہ عوام وزیر اعظم پر بھرپور اعتماد کرتے ہیں۔ اپوزیشن کی تحریکِ عدم اعتماد عمران خان پر اعتماد پلس میں بدل گئی ہے