پاک آسٹریلیا ٹیسٹ سیریز، غیر ملکی کھلاڑی اذان سے متاثر

پاکستان اور آسٹریلیا کے درمیان تاریخی ٹیسٹ سیریز کے دوران آسٹریلیا کے کھلاڑی اذان سے متاثر ہوگئے۔

آسٹریلیا کے فاسٹ بولر جوش ہیزل ووڈ نے راولپنڈی ٹیسٹ میچ کے درمیان میں پہاڑوں سے آتی اذان کی آواز کو بہترین لمحہ قرار دیا۔

انہوں نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا کہ پہلے ٹیسٹ میچ کے دوران پاکستانی شائقین بہت ہی پرجوش تھے اور وہ کھیل سے بھر پور لطف اُٹھا رہے تھے۔

The Pakistani crowd throughout very excited and noisy during first Test. They were looking very passionate. The best moment for all of us that we never hearing before such a delightful as call to prayer resounding in the mountains. Amazing lovable ❤????
#PAKvAUS #cricket

— Josh Hazlewood (@JoshHazIewood38) March 8, 2022

جوش ہیزل ووڈ نے مزید کہا کہ ٹیسٹ میچ کے دوران سب سے بہترین لمحہ پہاڑوں کے درمیان سے گونجتی ہوئی اذان کی آواز تھی، جو ہم نے پہلے کبھی نہیں سنی تھی۔

یہ بھی پڑھیں: کرکٹ کا نیا قانون،بولرز اب گیند چمکانے کیلئے تھوک کا استعمال نہیں کریں گے

خیال رہے کہ اس سے قبل آسٹریلیا کے کپتان پیٹ کمنز نے بھی کچھ ایسے ہی خیالات کا اظہار کیا تھا۔ انہوں نے کہا تھا کہ پنڈی اسٹیڈیم میں دور دراز پہاڑوں سے اذان کی آواز سننا بہت خوشگوار لمحہ تھا۔

مزید برآں آسٹریلیا کی ٹیسٹ ٹیم 24 سال بعد پاکستان کے تاریخی دورے پر موجود ہے جہاں دونوں ٹیموں کے درمیان راولپنڈی میں ہونے والا پہلا ٹیسٹ میچ بغیر کسی نتیجے کے ختم ہوگیا اور ناقص پچ بنانے پر پی سی بی کو شدید تنقید کا نشانہ بنایا گیا تاہم اپنے پہلے دورہ پاکستان میں موجود آسٹریلوی کھلاڑیوں نے میچ کو بھرپور انجوائے کیا۔