نسلہ ٹاور کے بلڈرز، نقشہ پاس کرنے اور اجازت دینے والے افسران پر مقدمہ درج

کراچی میں غیر قانونی تعمیرات کے ذمہ داروں کے گرد گھیرا تنگ ہونے لگا، نسلہ ٹاور کے بلڈرز، نقشہ پاس کرنے اور اجازت دینے والے افسران پر مقدمہ درج کر لیا گیا۔

تفصیلات کے مطابق محکمۂ اینٹی کرپشن نے نسلہ ٹاور کیس میں نقشہ پاس کرنے اور اجازت نامہ دینے والے افسران پر مقدمہ درج کرلیا۔ بلڈرز کے خلاف بھی تحقیقات کی جائیں گی۔ مقدمے میں ایس بی سی اے کے 11 افسران کو نامزد کیا گیا ہے۔

یہ بھی پڑھیں:

شہری خبردار!نسلہ ٹاور کے بعد کراچی کے مزید 16 رہائشی منصوبے غیر قانونی، فہرست جاری

محکمۂ اینٹی کرپشن نے سندھ بلڈنگ کنٹرول اتھارٹی سے تعلق رکھنے والوں سمیت 21 ملوث افسران پر مقدمہ درج کر لیا۔ ملوث افسران کی گرفتاری کیلئے ٹیمیں بھی تشکیل دے دی گئیں۔ حکام کا کہنا ہے کہ ملزمان کو جلد حراست میں لیا جائے گا۔

خیال رہے کہ اس سے قبل نسلہ ٹاور کے بعد شہرمیں 16 مزید رہائشی منصوبے غیر قانونی نکلے،سپریم کورٹ کے احکامات پر مختیارکار ائیر پورٹ نے تعمیرات بند کرنے کا نوٹس دے دیا۔ناجائز تجاوزات کے ذمہ داران کے گرد گھیرا مزید تنگ کردیا گیا۔

مختار کار ائیر پورٹ کا آج سے 8 روز قبل کہنا تھا کہ مذکورہ 16 رہائشی منصوبوں کی خرید و فروخت بند کردی جائے،احکامات پر عملدرآمد نہ کرنے والوں کے خلاف قانونی کارروائی کی جائے گی۔گرفتاری بھی عمل میں لائی جاسکتی ہے۔