گوگل نیوز پر ہمیں فالو کریںاسلام آباد: نتھیاگلی میں لاکھوں ڈالر مالیت کے لگژری ہوٹل کی تعمیر کا ٹھیکہ وزیراعظم عمران خان کے ساتھی اور تحریک انصاف کے ڈونر کو مل گیا۔
جیو نیوز کی رپورٹ کے مطابق عمران خان نے ان کی کمپنی سے چندہ لیا جس کا کاروبار امریکی فورسز کو عراق اور افغانستان میں سکیورٹی گارڈز فراہم کرنا تھا جب کہ عمران خان امریکی جنگ کے ہمیشہ سے مخالف رہے ہیں۔
الیکشن کمیشن آف پاکستان کی جانچ پڑتال کمیٹی رپورٹ میں یہ بات سامنے آئی ہے کہ پارٹی ڈونر ممتاز احمد مسلم نے پی ٹی آئی کو 24 ہزار سے زائد ڈالرز عطیہ کیے تھے۔
ذرائع کے مطابق ممتاز مسلم بیرون ہوٹلز کے صدر اور مالک ہیں، انہوں نے 15 اپریل 2018 کو عمران خان سے بنی گالہ میں ملاقات بھی کی تھی۔
مزید پڑھیں: وزیراعظم نے اپنی حکومت کے لیے اگلے تین ماہ انتہائی اہم قرار دے دیئے
