محمد حفیظ سے کرکٹ کے میدان میں بہت کچھ سیکھنے کا موقع ملا۔بابر اعظم

لاہور: قومی کرکٹ ٹیم کے کپتان بابر اعظم نے کہا ہے کہ ریٹائرمنٹ کے اعلان سے ایک یادگار کیرئیر ختم ہوگیا ہے، محمد حفیظ سے کرکٹ کے میدان میں بہت کچھ سیکھنے کا موقع ملا۔

سماجی رابطے کی ویب سائٹ ٹوئٹر پر اپنے پیغام میں کپتان بابر اعظم نے کہا کہ محمد حفیظ کے انٹرنیشنل کرکٹ سے ریٹائرمنٹ کے اعلان کے بعد ایک یادگار کیرئیر اپنے اختتام کو پہنچا۔

یہ بھی پڑھیں:

محمد حفیظ نے انٹرنیشنل کرکٹ سے ریٹائرمنٹ کا اعلان کردیا

قومی ٹیم کے سابق ہیڈ کوچ مصباح الحق کا کورونا ٹیسٹ دوبارہ مثبت آگیا

ٹوئٹر پیغام میں بابر اعظم نے کہا کہ میں نے محمد حفیظ بھائی اور ان کے کرکٹ کے میدان میں تجربات سے بہت کچھ سیکھا ہے۔ انہوں نے محمد حفیظ کا شکریہ بھی ادا کیا۔

A memorable career comes to an end. I have learnt a lot from @mhafeez22 bhai and his experiences. Thank you for your guidance along the time we shared on the field. Happy retirement, professor! ???? pic.twitter.com/5pF34pPW9J

— Babar Azam (@babarazam258) January 3, 2022

قومی ٹیم کے کپتان نے کہا کہ محمد حفیظ کی فیلڈ پر میرے ساتھ گزارے گئے وقت کے دوران رہنمائی پر ان کا شکر گزار ہوں۔ پروفیسر صاحب کو ریٹائرمنٹ مبارک ہو۔ 

خیال رہے کہ اس سے قبل پاکستانی آل راؤنڈر محمد حفیظ نے انٹرنیشنل کرکٹ سے ریٹائرمنٹ کا اعلان کرتے ہوئے کہا کہ میں نے ہمیشہ ملک کیلئے کھیلا جو اعزاز کی بات ہے۔

قومی ٹیم کے آل راؤنڈر محمد حفیظ نے میڈیا سے گفتگو کرتے ہوئے کہا کہ میں ٹیسٹ سے پہلے ہی ریٹائرمنٹ لے چکا ہوں، اب وائٹ بال (ون ڈے انٹرنیشنل) میچز سے بھی ریٹائرمنٹ کا اعلان کرتا ہوں۔