وزیر اعظم پاک چین سرمایہ کاری فورم کے اجراء کی تقریب میں آج شریک ہوں گے

اسلام آباد: وزیر اعظم عمران خان پاک چین سرمایہ کاری فورم کے اجراء کی تقریب میں آج شریک ہوں گے جس کا مقصد دو طرفہ تجارت کو فروغ دینا ہے۔

سماجی رابطے کی ویب سائٹ ٹوئٹر پر اپنے پیغام میں رکنِ قومی اسمبلی و پارلیمانی سیکریٹری قومی وزارتِ صحت ڈاکٹر نوشین حامد نے کہا کہ وزیر اعظم آج پاک چین بزنس انوسٹمنٹ فورم کے اجراء کی تقریب میں شرکت کریں گے۔

یہ بھی پڑھیں:

وزیر اعظم کی زیر صدارت وفاقی کابینہ اجلاس منگل کو طلب

علمائے کرام نوجوانوں کو پیغمبر اسلامﷺ کی تعلیمات سے روشناس کرائیں، وزیر اعظم

وزیرِ اعظم @ImranKhanPTI آج پاک چائنہ بزنس انوسٹمنٹ فورم کے اجراء کی تقریب میں شرکت کریں گے۔ اس فورم میں 18 چینی اور 19 پاکستانی کمپنیاں شامل ہیں۔
فورم کا مقصد پاکستان میں پائیدار سرمایہ کاری، برآمدی صنعتوں کی تعمیر و ترقی اور جدید ٹیکنالوجی کے شعبوں میں تعاون بڑھانا ہے۔

— Dr. Nausheen Hamid (@DrNausheenPTI) January 3, 2022

انہوں نے کہا کہ پاک چین کاروباری سرمایہ کاری فورم میں 18 چینی جبکہ 19 پاکستانی کمپنیاں شامل ہیں۔ فورم کا مقصد پاکستان میں پائیدار سرمایہ کاری، برآمدی صنعتوں کی تعمیر و ترقی اور جدید ٹیکنالوجی کے شعبوں میں تعاون بڑھانا ہے۔ 

خیال رہے کہ اس سے قبل وزیر اعظم عمران خان نے وفاقی کابینہ کا اجلاس منگل کو طلب کر لیا جس میں منی بجٹ کی منظوری اور ہنگامی مالی ادائیگیوں سے متعلق معاملات اور 7 نکاتی ایجنڈا زیرِ غور آئے گا۔ 

کابینہ اجلاس کے دوران ملکی سیاسی و معاشی صورتحال بشمول منی بجٹ کی منظوری پر گفت و شنید ہوگی۔فنانس ترمیمی بل کے ساتھ ہنگامی مالی ادائیگیوں کی اشاعت کی  منظوری اور دیگر امور پر تبادلۂ خیال ہوگا۔