نعمان اعجاز نے ڈرامہ پری زاد میں اپنے مختصر کردار کی وضاحت پیش کردی

ورسٹائل اداکار نعمان اعجاز نے ڈرامہ ’پری زاد‘ میں اپنے مختصر کردار کے حوالے سے مداحوں کے بے پناہ اصرار پر وضاحت پیش کردی ہے۔

حال ہی میں ایک انٹرویو میں نعمان اعجاز نے ڈرامے میں اپنے مختصر کردار کے حوالے سے بتایا کہ پری زاد میں ڈرامے کی ڈیمانڈ کے مطابق میرا کردار شامل کیا گیا۔ان کا کہنا تھا کہ یہ کردار کی مانگ تھی اس لئے اس کو تبدیل کرنا ممکن نہیں تھا۔

مزید پڑھیں:اداکارہ یمنیٰ زیدی کی انٹری نے ڈرامہ سیریل پری زاد کو چار چاند لگا دئیے

واضح رہے کہ پاکستانی شوبز انڈسٹری کے معروف ستاروں سے مزین ڈرامہ سیریل پری زاد کی نئی قسط کو چند گھنٹوں میں یو ٹیوب پر 50 لاکھ سے زائد بار دیکھا گیا، عینی کا راز فاش ہوگیا، پری زاد کو پتہ چل گیا کہ وہ نابینا ہے۔

اب تک ڈرامہ سیریل پری زاد کو 61 لاکھ 85 ہزار مرتبہ دیکھا گیا جبکہ 1لاکھ 47 ہزار سوشل میڈیا صارفین نے نئی قسط کو پسندیدگی کی سند عطا کردی۔ تازہ ترین قسط میں پری زاد کو پتہ چلتا ہے کہ عینی کی آنکھیں کام نہیں کرتیں۔