بجلی کی فی یونٹ قیمت میں 4روپے 33پیسے اضافے کا امکان

اسلام آباد: بجلی کی قیمت میں فی یونٹ 4 روپے 33 پیسے اضافے کا امکان ہے جس پر سماعت آج ہوگی۔ نیشنل الیکٹرک پاور ریگولیٹری اتھارٹی (نیپرا) درخواست کی سماعت کیلئے تیار ہے۔ 

تفصیلات کے مطابق پی ٹی آئی دورِ حکومت میں متعدد مرتبہ بجلی کی فی یونٹ قیمت میں اضافہ کیا گیا۔ آج پہلے سے مہنگی بجلی مزید مہنگی ہونے کا امکان ہے۔ سنٹرل پاور پرچیزنگ ایجنسی نے بجلی کی قیمت میں اضافے کیلئے نئی درخواست دے دی۔

یہ بھی پڑھیں:

سال 2021 میں مہنگائی5سے11 فیصد کی بلند سطح تک پہنچ گئی

ٹیکسٹائل صنعتکاروں اور حکومت کا معاہدہ ہوگیا، گیس کی بندش ختم

کے الیکٹرک کی نیپرا سے بجلی کی قیمت میں بڑے اضافے کی درخواست

نیپرا حکام سی پی پی اے کی درخواست پر سماعت آج کریں گے۔ سنٹرل پاور پرچیزنگ ایجنسی نے نومبر 2021کی ماہانہ فیول ایڈجسٹمنٹ کی مد میں بجلی کی قیمت میں فی یونٹ 4 روپے 33 پیسے اضافے کی درخواست کی ہے۔ 

خیال رہے کہ اس سے قبل مہنگائی کے مارے عوام پر ایک بار پھر بجلی کا بم گرانے کی تیاری کرلی گئی، کے الیکٹرک نے نیشنل الیکٹرک پاور ریگولیٹری اتھارٹی (نیپرا) سے بجلی کی قیمت میں بڑے اضافے کی درخواست کردی۔

کے الیکٹرک نے جمعرات 23 دسمبر کو نیشنل الیکٹرک پاور ریگولیٹری اتھارٹی (نیپرا) کو درخواست دی جس میں بجلی 5 روپے 18 پیسے فی یونٹ مہنگی کرنے کا مطالبہ کیا گیا۔نیپرا کا کہنا تھا کہ درخواست رواں مالی سال کی پہلی سہ ماہی کی ایڈجسٹمنٹ کیلئے کی گئی۔