گوگل نیوز پر ہمیں فالو کریںکراچی: پاکستان کی 91 فیصد عوام نے روز مرہ اشیاء کی قیمتوں میں بے تحاشہ اضافے کے باعث نہ صرف ماہانہ گھریلو بجٹ میں گزارا مشکل قرار دیا بلکہ اخراجات کیسے پورے کریں اس بارے میں دباؤ ہونے کا بھی کہا۔
پاکستانی عوام کی رائے کا اندازہ حال ہی میں کیے گئے گیلپ سروے سے چلا جس میں 1100 سے زائد افراد نے ملک بھر سے حصہ لیا۔
سروے میں 91 فیصد پاکستانیوں نے روز مرہ اشیاء کی قیمتوں میں اضافے کے باعث ماہانہ بجٹ میں گزارنے کو مشکل کہا اور اخراجات کیسے پورے کریں۔
7 فیصد نے اس کے بر عکس رائے دی اور کوئی پریشانی نہ ہونے کا بتایا جب کہ 2 فیصد نے اس سوال کاکوئی جواب نہیں دیا۔
مالی سال کے پہلے 8 ماہ میں بڑی صنعتوں کی پیداوار میں 5.56 فیصد کمی ریکارڈ
7 ہزار سے 15 ہزار روپے کمانے والے 91 فیصد، 15 سے 30 ہزار روپے کمانے والے 93 فیصد جب کہ 30 ہزار روپے سے زائد ماہانہ آمدن رکھنے والے 86 فیصد افراد نے ماہانہ بجٹ میں گزار ے کو مشکل کہا اور اخراجات پورے کرنے کےلیے پریشان ہونے کا بتایا۔
محدود بجٹ میں گزارا کرنے میں ناکامی کا کہنے والوں میں 90 فیصد سے زائد نے اپنی آمدنی 7 ہزار سے 30 ہزار روپےکی درمیان بتائی۔
