پاکستان کے 80 فیصد شہری باقاعدگی سے ورزش نہیں کرتے۔رپورٹ

اسلام آباد: آن لائن سروے کی ویب سائٹ گیلپ سروے نے اپنی رپورٹ میں انکشاف کیا ہے کہ پاکستان کے 80 فیصد شہری باقاعدگی سے ورزش نہیں کرتے۔

سماجی رابطے کی ویب سائٹ ٹوئٹر پر اپنے پیغام میں گیلپ پاکستان نے بتایا کہ ہر 5 میں سے 1 یعنی صرف 20 فیصد پاکستانی ایسے ہیں جو باقاعدگی سے ورزش کرتے ہیں۔

پیغام میں گیلپ پاکستان نے بتایا کہ دنیا بھر میں 37 فیصد لوگ باقاعدگی سے ورزش کرنے کے عادی ہیں جبکہ پاکستان میں یہ شرح معمول سے 17 فیصد کم ہے۔

Only 1 in 5 Pakistanis (20%) report exercising regularly – 17% lower than the global average (Gallup Pakistan & WIN World Survey)https://t.co/YjpvFvUq5I#exercise #Health pic.twitter.com/DOaQb6rQ7E

— Gallup Pakistan (@GallupPak) May 7, 2020

گیلپ کے تفصیلی نتائج سے پتہ چلتا ہے کہ 69 فیصد پاکستانیوں نے سروے کے دوران بتایا کہ ہم کبھی کبھار ورزش کرتے ہیں یا بالکل نہیں کرتے۔

نتائج کے مطابق 11 فیصد پاکستانیوں نے کہا کہ ہم تھوڑی بہت ورزش کرتے ہیں تاہم ہمیشہ کچھ نہ کچھ ورزش کرنا ہمارے معمولات میں شامل نہیں۔

سروے کے مطابق 20 فیصد پاکستانیوں نے کہا کہ ورزش ان کے روزمرہ معمول کا حصہ ہے یا وہ عام لوگوں کی نسبت ورزش کا زیادہ شوق رکھتے ہیں۔