گوگل نیوز پر ہمیں فالو کریںبرلن: جرمنی میں پاکستان کے سفیر ڈاکٹر محمد فیصل نے کہا ہے کہ آج پاک جرمنی سفارتی تعلقات کے آغاز کو 70 سال مکمل ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں پاکستانی سفیر ڈاکٹر فیصل نے کہا کہ پاکستان اور جرمنی آج سفارتی تعلقات کے آغاز کی 70ویں سالگرہ منا رہے ہیں۔
پیغام میں پاکستانی سفیر ڈاکٹر محمد فیصل نے کہا کہ پاک جرمنی تعلقات کی 70ویں سالگرہ کے موقعے پر بہت سی تقریبات کی منصوبہ بندی کر لی گئی ہے۔
سابق ترجمان دفترِ خارجہ ڈاکٹرمحمد فیصل نے کہا کہ جرمنی یورپی یونین میں پاکستان کا سب سے بڑا تجارتی شراکت دار ہے اور جرمنی میں1 لاکھ سے زائد پاکستانی شہری آباد ہیں۔
#Pakistan & #Germany are celebrating 70th anniversary of establishment of diplomatic relations – a number of activities are planned in this context.#Germany is the largest trading partner of Pakistan in #EU. It is home to a more than 100,000 #Pakistani diaspora #turninganewpage
— Dr Mohammad Faisal (@DrMFaisal) April 10, 2021
یاد رہے کہ اِس سے قبل جرمنی میں ایسٹر کے موقع پر کورونا کے خلاف اقدامات کے طور پر پابندیوں کو مزید سخت کردیا گیا۔
بین الاقوامی خبر رساں ادارے کے مطابق گزشتہ ماہ 23 مارچ سے آگے آنے والے ہفتے میں عوامی اور معاشی زندگی کو 5 دن کے لیے بند کرنے کا اعلان کر دیا گیا۔
مزید پڑھیں: جرمنی میں ایسٹر لاک ڈاؤن،پابندیوں کو مزید سخت کردیا گیا
