گوگل نیوز پر ہمیں فالو کریںحیدرآباد: لطیف آباد 8 نمبر میں ٹرانسفارمر پھٹنے کے واقعے میں جاں بحق افراد کی تعداد7 ہوگئی، وزیر توانائی سندھ امتیاز شیخ نے واقعہ کانوٹس لے لیا،خالدمقبول کااظہارافسوس،حیسکوحکام کیخلاف مقدمہ درج کرنے کا مطالبہ کردیا۔
پولیس حکام کے مطابق حیدرآباد لطیف آباد 8 نمبر میں ٹرانسفارمر پھٹنے سے 3 حیسکو ملازم سمیت 18 افراد جُھلس گئے تھے جن میں سے 7 افراد جاں بحق ہوگئے ہیں، پولیس حکام کا کہنا ہے کہ واقعہ میں شدید زخمی ہونیوالوں کو کراچی منتقل کردیا گیا ہے۔
دوسری جانب وزیر توانائی سندھ امتیاز شیخ نے حیدرآباد لطیف آباد میں ٹرانسفارمر پھٹنے کے معاملے کانوٹس لے لیا ہے، صوبائی وزیر نے حیسکو چیف اور ایس ایس حیدرآباد سے رابطہ کیا اورحادثے کے نتیجے میں سات افراد کی ہلاکت پر افسوس کا اظہار کیا۔
وزیر توانائی سندھ امتیاز شیخ نے متعلقہ حکام کو ہدایات دیتے ہوئے کہا کہ زخمیوں کے علاج معالجہ میں کسی قسم کی کسر نہ چھوڑی جاے ،افسوس ناک واقعہ حیسکو ملازمین کی نااہلی اور غفلت کا نتیجہ ہے ،واقعہ کی انکوائری کے لیے جی ایم حیسکو کی قیادت میں کمیٹی قائم کردی ہے،ذمہ داروں کو کسی طور پر معاف نہیں کیا جائیگا۔
مزید پڑھیں:سی ویو پر پھنسا جہاز نکالانہ جاسکا،ساحل پر جہازدیکھنے کیلئے شہریوں کا ہجوم
