گوگل نیوز پر ہمیں فالو کریںکراچی: پاکستان پیپلز پارٹی (پی پی پی) کے چیئرمین اور وزیر خارجہ بلاول بھٹو زرداری نے 5 جولائی 1977 کو ملکی تاریخ کا سیاہ دن قرار دیا ہے۔
وزیر خارجہ بلاول بھٹو نے کہا کہ یہ دن اس دن کی یاد دلاتا ہے جب جنرل ضیاء الحق نے 5 جولائی 1977 کو پیپلز پارٹی کے بانی اور وزیر اعظم ذوالفقار علی بھٹو کی جمہوری طور پر منتخب حکومت کا تختہ الٹ کر مارشل لاء کا اعلان کر کے خود کو چیف مارشل لا ایڈمنسٹریٹر مقرر کر کے اقتدار پر قبضہ کیا۔
5th July 1977 marks the beginning of the darkest chapter in Pakistans history. The seeds of division that were sown that day are still bearing the fruit of hatred today. Let us bury the legacy of dictators by rejecting the politics of division and hate. #5thJulyBlackDay pic.twitter.com/gTaCI4ac89
— BilawalBhuttoZardari (@BBhuttoZardari) July 5, 2023
انہوں نے ٹوئٹر پر بیان میں کہا کہ 5 جولائی 1977 پاکستان کی تاریخ کے سیاہ ترین باب کا آغاز ہے۔ تقسیم کے جو بیج اس دن بوئے گئے وہ آج بھی اس کا خمیازہ بھگت رہے ہیں، آئیے ہم تقسیم اور نفرت کی سیاست کو مسترد کر کے آمروں کی میراث کو دفن کر دیں۔
اس موقع پر اپنے ایک بیان میں پی پی پی چیئرپرسن نے کہا کہ یہ دن ہمیں یاد دلاتا رہے گا کہ کس طرح ایک طاقت کے بھوکے آمر نے پوری قوم کو مذہب کی آڑ میں انتہا پسندی، دہشت گردی، کلاشنکوف اور منشیات کے کلچر کی دلدل میں دھکیل دیا۔ 46 سال گزرنے کے بعد بھی ہم اس سے مکمل چھٹکارا حاصل نہیں کر سکے۔
چیئرمین پی پی پی نے مزید کہا کہ آمر ضیاء پاکستان کے آئین اور پاکستانی قوم کا مجرم ہے۔ انہوں نے کہا کہ جنرل ضیاء کے دور میں شہری اور انسانی حقوق کی پامالی اور مظالم نے انسانیت کو شرما دیا۔
بلاول بھٹو زرداری نے کہا کہ قوم اس حقیقت سے بخوبی واقف ہے کہ ڈکٹیٹر ضیاء کی سوچ پر عمل کرنے والے مٹھی بھر لوگ آج بھی اقتدار کی بھوک میں عوام کے حق حکمرانی کے خلاف سازشیں کرنے میں مصروف ہیں لیکن ناکامی ان کا مقدر ہے۔
آمروں اور کٹھ پتلیوں کا دور ماضی بن چکا ہے۔ اب پاکستان کے حال اور مستقبل میں صرف جمہوریت ہے۔
مزید پڑھیں:نواز شریف پر الزامات، تسنیم حیدر کو لندن پولیس نے طلب کرلیا
بلاول بھٹو نے پارٹی کارکنوں کو سلام پیش کیا جنہوں نے ضیاء کے دور میں جمہوریت کی خاطر کوڑے کھائے، قید و بند کی صعوبتیں برداشت کیں اور شہادت کو گلے لگایا۔
