گوگل نیوز پر ہمیں فالو کریںراجشاہی: اوپنرز شاہ زیب خان کی سنچری اور آزان اویس کے ساتھ سنچری پارٹنرشپ نے پاکستان انڈر 19 کو بنگلہ دیش انڈر19 کے خلاف چوتھے ون ڈے میں 8 وکٹوں سے کامیابی دلادی۔
پاکستان انڈر 19 ٹیم نے پانچ میچوں کی اس سیریز میں تین ایک کی برتری حاصل کرلی ہے۔
پاکستان انڈر 19 نے پہلا میچ 9 وکٹوں سیاور دوسرا میچ 78 رنز سے جیتا تھا جبکہ تیسرے میچ میں میزبان ٹیم نے4 وکٹوں سے کامیابی حاصل کی تھی۔
چوتھے میچ میں پاکستان انڈر 19نے ٹاس جیت کر بنگلہ دیش انڈر 19 کو بیٹنگ دی۔ میزبان ٹیم 46 اعشاریہ 4 اوورز میں 199 رنز بناکر آؤٹ ہوگئی۔
عارف الاسلام نے چار چوکوں اور ایک چھکے کی مدد سے 50رنز بنائے۔ محفوظ الرحمن رابی نے34 اور شیخ پرویز نے 30 رنز اسکور کیے۔
پاکستان انڈر 19 کی طرف سے ایمل خان نے 34رنز دے کر 3 وکٹیں حاصل کیں۔ علی اسفند نے بھی3 کھلاڑی 39 رنز کے عوض آؤٹ کیے۔
شاہ زیب خان اور آزان اویس نے پہلی وکٹ کی شراکت میں 152 رنز بناکر اپنی ٹیم کی جیت کو آسان بنادیا۔ آزان اویس سات چوکوں کی مدد سے 52 رنز بناکر آؤٹ ہوئے۔
شاہ زیب نے شاندار بیٹنگ کرتے ہوئے 105 گیندوں پر 105 رنز ناٹ آؤٹ کی اننگز کھیلی جس میں 14 چوکے اور3 چھکے شامل تھے۔پاکستان انڈر 19نے 37 ویں اوور میں مطلوبہ اسکور 2 وکٹوں کے نقصان پر پورا کرلیا۔
مزید پڑھیں:مشتاق احمد کا ملک کی موجودہ صورتحال پر ردعمل سامنے آگیا
سیریز کا پانچواں اور آخری ون ڈے میچ پیر کے روز کھیلا جائے گا جس کے بعد دونوں ٹیمیں بدھ کو واحد ٹی ٹوئنٹی انٹرنیشنل میں مدمقابل ہونگی۔
