گوگل نیوز پر ہمیں فالو کریںاسلام آباد : راولپنڈی کے ایجنٹ نے 45 پاکستان سے ڈیڑھ کروڑ روپے لیکر دھوکے سےسعودی عرب میں پھنسادیا، متاثرین کی حکومت سے مدد کی اپیل۔
سعودی عرب میں پھنسے ہوئے 45 افراد نے حکومت پاکستان سے مدد کی اپیل کرتے ہوئے کہا ہے کہ ہم نے راولپنڈی سکس روڈ میں واقع نیو اشیان ایجنسی سے ویزے خریدے تھے فی ویزا ہم نے اڑھائی سے تین لاکھ روپے ادا کیے تھے لیکن ہمارے ساتھ دھوکا ہو گیا یہ ویزے صرف سعودی عرب آنے تک کارآمد تھے ہم لوگ سات ماہ سے ایک ہی کمرے میں قید ہیں ہمارے پاس کوئی بھی کوئی قانونی کاغذات نہیں ۔
ہمارے آقا مے بھی نہیں لگے جبکہ پاکستان میں ایجنٹ نے ہم سے پورے پیسے لیے اور کہا کہ آپ کے اقامے فورا لگ جائیں گے لیکن ہم لوگ آج سات ماہ گزرنے کے باوجود یہاں بے یارومددگار بیٹھے ہوئے ہیں ۔
متاثرین کاکہنا ہے کہ اوپر سے کورونا وائرس وباء شروع ہوگئی اور ہم کمرے میں محصور ہوکر رہ گئے ہیں پاکستان میں ہمارے گھروں میں کھانے پینے کو کچھ نہیں ،ہمارے گھر والے شدید اذیت میں مبتلا ہیں اور ہم یہاں انتہائی پریشان ہیں ۔
یہاں کا مقامی بدو بھی ہمارے آقامے نہیں لگوا رہا ہم یہاں پر قیدی ہو کر رہ گئے ہیں ،جب تک ہمارے کاغذات مکمل نہیں ہوتے تب تک نہ ہی ہم یہاں کام کر سکتے ہیں اور نہ ہی پاکستان واپس آ سکتے ہیں۔
ہمارے پاس پیسے نہیں کہ ہم اپنے گھر والوں کو بھیج سکیں ،ہم سمندر پاکستانیوں کے وزیر مشیر زلفی بخاری اور وزیراعظم پاکستان عمران خان سے اپیل کرتے ہیں کہ ہمیں یہاں سے نکالنے میں میں ہماری مدد کی جائے اور جس نے ہم سے فی ویزا تین لاکھ روپے لیے ہیں اس کو قرار واقعی سزا دی جائے تاکہ آئندہ وہ کسی کے ساتھ دھوکا نہ کر سکے۔
مزید پڑھیں:رزاق داؤد کا ملازمین کو تنخواہ دیئے بغیر نوکریوں سے نکالنے کا فیصلہ
