گوگل نیوز پر ہمیں فالو کریںکولکتہ: انٹرنیشنل کرکٹ کونسل (آئی سی سی) ون ڈے ورلڈکپ میں پاکستان اور بنگلہ دیش میچ کے دوران فلسطین کا جھنڈا لہرانے پر 4 افراد کو گرفتار کرلیا گیا۔
بھارت کی میزبانی میں جاری ون ڈے ورلڈکپ کے 13 ویں ایڈیشن میں گزشتہ روز پاکستان اور بنگلہ دیش کی ٹیمیں مدمقابل آئیں۔ ایڈن گارڈنز، کولکتہ میں کھیلے گئے میچ میں قومی ٹیم نے باآسانی 7 وکٹوں سے مخالف ٹیم کو شکست دے کر سیمی فائنل تک رسائی کی امیدیں برقرار رکھیں۔
اس دوران سوشل میڈیا پر ایڈن گارڈنز اسٹیڈیم کی ایک ویڈیو وائرل ہوئی جس میں 4 نوجوان فلسطین کا جھنڈا اٹھائے کھڑے ہیں۔ اس دوران دونوں ٹیموں کو گراونڈ میں موجود میچ کھیلتے دیکھا جاسکتا ہے۔
Palestinian Flag was shown during #Bangladesh and #Pakistani Match at #Eden Gardens. Police intervened and detained 3 persons. pic.twitter.com/P0zZ2N7U5k
— Syeda Shabana (@JournoShabana) October 31, 2023
واضح رہے کہ اُن نوجوانوں نے اسٹیڈیم میں احتجاج کے طور پر صرف فلسطین کا جھنڈا لہرایا اور کوئی نعرہ نہیں لگایا۔
کوہلی پرتنقید کیوں کی؟ مداحوں نے اخبار کی کاپیاں نذر آتش کردیں
تاہم، میچ کے دوران فلسطین کا جھنڈا لہرانے پر بھارتی پولیس نے 4 افراد کو حراست میں لے لیا ہے۔ ایڈن گارڈنز اسٹیڈیم سے حراست میں لیے گئے افراد میں سے 2 جھارکنڈ جبکہ 2 کولکتہ کے ہی رہائشی ہیں۔
اس حوالے سے بھارتی پولیس کا کہنا تھا کہ جھنڈا لہرانے والے 2 افراد کو گیٹ نمبر 6 جبکہ دیگر 2 افراد کو بلاک جی 1 سے حراست میں لیا گیا ہے۔
