گوگل نیوز پر ہمیں فالو کریںفرانس کے جنوبی شہر میں پولیس نے ٹرک میں چھپ کر ملک میں داخل ہونے والے 31 پاکستانیوں کو گرفتار کرلیا۔غیرملکی خبررساں ادارے کے مطابق پراسیکیوٹرز نے بتایا کہ ٹرک کے ڈرائیور کا تعلق بھی پاکستان سے تھا جسے حراست میں لے لیا گیا ہے۔
فرانسیسی پراسیکیوٹرز نے بتایا کہ اطالوی سرحد کے قریب موٹر وے پر معمول کی چیکنگ کے دوران 31 پاکستانی تارکین وطن کو برآمد کیا گیا۔تارکین وطن میں 3 نابالغ افراد بھی شامل ہیں تاہم امیگریشن قوانین کے تحت تمام تارکین وطن کو اطالوی حکام کے حوالے کردیا گیا۔
فرانس کے جنوب مشرقی شہر نیس کے پراسیکیوٹر آفس نے کہا کہ ہم تارکین وطن کے نیٹ ورک کا سراغ لگانے کی کوشش کریں گے جیسے ہم عموماً ایسے کیسز میں کرتے ہیں۔
اس سے قبل گزشتہ ماہ برطانیہ کی پولیس نے لندن کے مشرقی علاقے میں واقع انڈسٹریل اسٹیٹ میں ایک ٹرک سے 39 افراد کی لاشیں برآمد کرنے کے بعد مشتبہ ڈرائیور کو حراست میں لے لیا تھا۔
مزید پڑھیں: برطانوی پولیس نے ٹرک سے 39 لاشیں برآمد کر لیں، نوجوان شخص گرفتار
